Bandièra01 1180x150: Comuna de Tolosa

Actualitats

Eurovision rectifica e demanda perdon per aver enebit lo drapèl del Bascoat

Dins la lista de bandièras enebidas al festenal, se publicava lo drapèl basco al costat del de l’Estat Islamic. Los govèrns basco e espanhòl an protestat

L'Union Europèa de la Radiodifusion (UER), que s'ocupa del festenal de las televisions publicas europèas Eurovision, a presentat de desencusas publicas per aver mes un imatge del drapèl del Bascoat coma exemple de bandièras enebidas dins un document de las nòrmas d’assisténcia al festenal. En mai d’aquò, l’UER a anonciat que publicariá un nòu tèxt oficial ont lo drapèl basco serà pas comprés.
 
Eurovisio aviá publicat sa nòrma sus la preséncia de bandièras durant lo famós espectacle televisiu. Lo document encoratjava los participants a i brandar lors bandièras, mas presentava una lista de drapèls non permeses. Dins aquela lista, i aviá lo simbòl nacional basco, al costat de la bandièra de l’Estat Islamic.
 
Lo president de la Comunautat Autonòma del Bascoat Iñigo Urkullu demandèt a Eurovision una rectificacion, e quitament demandèt al govèrn espanhòl qu’Espanha se retirèsse del concors, pr’amor que, segon Urkullu, aquel fach tanh tanben l’estat. De son costat, lo Ministèri dels Afars Estrangièrs espanhòl exigiguèt als organizaires de l'Eurovision 2016 una rectificacion immediata del document publicat. “L’ikurriña [nom pròpri del drapèl basco] es una bandièra de l’estat e lo govèrn [espanhòl] la defendrà tant que caldrà”, çò declarèt la vicepresidenta espanhòla Soraya Sáenz de Santamaría.
 
Lo jornalista còrs Julien Pernici descapelèt l’escàndol amb una fiulada sus Twitter. “Lo drapèl del Bascoat enebit d’intrada a l’Eurovision al meteis títol que lo drapèl de l’Estat Islamic!”, çò exclamava Pernici, del temps que publicava lo ligam vèrs lo document.
 
<blockquote class="twitter-tweet" data-lang="ca"><p lang="fr" dir="ltr">Le drapeau du Pays Basque interdit d&#39;entrée à l&#39;Eurovision au même titre que le drapeau de l&#39;état Islamique ! <a href="https://t.co/B1FXyXlmh7">pic.twitter.com/B1FXyXlmh7</a></p>&mdash; Julien Pernici (@JulienPernici) <a href="https://twitter.com/JulienPernici/status/725698230726627328">28 d’abril de 2016</a></blockquote> <script async src="//platform.twitter.com/widgets.js" charset="utf-8"></script>
 
Dins aquel document s’especifica tanben la mesura maximala de las bandièras que se daissarà intrar dins l’auditòri ont se tendrà lo festenal. Al delà del drapèl basco e del de l’Estat Islamic, l’organizacion ditz que permetrà pas las bandièras de Crimèa, la Republica d’Artsakh, Kosova, Palestina, la Republica Populara de Donetzk, la Republica Turca de Chipre del Nòrd e Transnístria.
 
Los drapèls escocés e independentista catalan son pas mençonats dins aquel document. De fach, l’estelada es apareguda dins cèrtas ocasions.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma de mallorca
3.

Aqueste festival ja no lo veu pas ningú. Acò de las bandeiras es per se far propaganda. Es actualament una botigueta de musiqueta capitalista anglo-american

  • 1
  • 0
Ernèst Guevara Jr. L'Avana
2.

#1 Es per amor que cal pas confondre Eurovision e Francocecitat, benlèu ?

  • 7
  • 0
La persija nèira
1.

Aparentament lai a d'autras mai coma la 'bandèira da la testa Mora' que son pas aceptadas...

http://www.leparisien.fr/tv/le-drapeau-corse-banni-de-l-eurovision-30-04-2016-5755871.php#xtref=https%3A%2F%2Fwww.google.fr%2F

  • 1
  • 0

Escriu un comentari sus aqueste article