CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimècres, 23 d'octòbre

Actualitats

Dimècres, 4 de mai de 2016, 03h00 Societat,Lenga,Escòla,Cultura

Lengadòc > Lengadòc Bas > Rasés

Quilhan: comença lo 29n congrès de Calandreta

Lo congrès amassa de parents e de professors de las escòlas occitanas per denifir ensems las orientacions, las actualizacions e los melhoraments


Comentaris Cap de comentari    
Marrit Flac Bon Plan bon Fabulós (5 vòtes)
carregant En cargar


Comença uèi a Quilhan (Rasés) lo 29n Congrès de Calandreta qu’ongan a per tèma “Soi a Calandreta, sèm un movement”. Aquel congrès, organizat per la Confederacion de las Calandretas, amassa cada dos ans los parents e los professors amb la tòca de definir ensems las orientacions de prene, las actualizacions e los melhoraments de realizar, las novetats de metre en plaça.
 
“Calandreta grandís: ara sèm 62 escòlas e 3 collègis e l’espandiment se perseguirà de segur”, çò ditz Joan-Loís Blenet, president de Calandreta. “Calandreta càmbia e se deu pensar de mai en mai coma un movement d’ensenhament per l’escolaritat tota, de la mairala al licèu. Del còp la plaça pel segondari, que ven una tòca majorala, pojarà bravament”. En mai d’aquò, Blenet precisa la tòca del congrès e del collectiu: “definir amassa, d’un biais cooperatiu, cossí prene en carga los cambiaments, melhorar lo trabalh e la plaça de cadun”.
 
Pendent quatre jorns, una seguida de talhièrs, escambis, conferéncias, rescontres, mòstras e filmes enriquirà lo movement de las Calandretas. Aquel programa se completa amb l’assemblada del collectiu, mas tamben amb d’animacions, de cantas, de musica, de teatre e fòrça activitats pels enfants.
 
Lo congrès de las Calandretas vòl ramentar ongan que son dins las piadas del pedagòg Celestin Freinet e d’una practica cooperativa de la pedagogia. Aquela practica es constitutiva de Calandreta dempuèi lo començament e es marcada dins la carta magna del movement. Per tant, organizan tanben la formacion dels regents.
 
Fa qualques ans, a Maurs (Castanhau), se debanava un congrès en 2002 que definissiá l’estructura de las Calandretas: "S’associar per far escòla". E en seguissent aquela dralha son a trabalhar amassa sus la pedagogia per n’estudiar lo desvolopament al segondari qu’es la seguida logica de las escòlas.
 
 
D’escòlas associativas en occitan
 
Las escòlas Calandretas, escampilhadas per tota Occitània, son d’escòlas laïcas e associativas qu’an un contracte amb l’estat, qu’emplegan la lenga occitana coma lenga veïculara sul programa educatiu fixat pel Ministèri de l’Educacion de França. La relacion entre los professors e las familhas es fòrça estrecha e los parents se pòdon engatjar dins lo projècte fins ont vòlgan. E mai, cada Calandreta a una estrecha relacion amb son entorn immediat, e aital la coneissença de la realitat pròcha e l’engatjament dels escolans amb l’entorn son plan elevats.
 
A l’ora d’ara, Occitània compren 62 escòlas primàrias Calandretas e mai 3 collègis Calandretas a Pau, Tolosa e Montpelhièr.



publicitat
BANER1-2-3: DGPL DICTADES



Comentaris


I a pas cap de comentari




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Tresmudar un problèma politic en un problèma d’òrdre public

Dempuèi longtemps l’estat espanhòl refusa de resòlver politicament lo problèma politic que ten en Catalonha. Ara, après l’enòrma indignacion ciutadana ...
giny

Lo temps

Mapa
  • sol Agen 17
  • sol Aush 18
  • sol Bordèu 17
  • sol Briançon 14
  • sol Caors 15
  • sol Carcassona 17
  • sol Clarmont-Ferrand 14
  • sol Confolent 13
  • sol Gap 7
  • sol La Canau 18
  • sol La Gàrdia 26
  • sol Limòtges 15
  • sol Lo Borg Sant Dalmatz 19
  • sol Lo Puèi de Velai 12
  • sol Marselha 22
  • sol Montpelhièr 15
  • sol Naut Aran 15
  • sol Niça 20
  • sol Nimes 18
  • sol Pau 15
  • sol Peireguers 17
  • sol Rodés 18
  • sol Tolon 17
  • sol Tolosa 18
  • sol Valença 15

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • Musèu de Terra Mata, Niça, mai anciana traça de fuec au monde

  • © Laurenç Revèst

    Menton, 'a vivaroalpenca maritima

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © CD

    Escòla Calandreta dau Mas. Drap (País Niçard)

  • Exposicion temporària sus Robèrt Lafont al CIRDOC (D.R.)

  • La Korrika, la corsa per la lenga basca es arribada a Tolosa

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • © Josep Carpintero

    Presentacion dera ANC Val d'Aran en Vielha, 28/12/2013

  • © Adriana Díaz

    Canas 2019

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • Concèrt del 20n anniversari de Gric de Prat

  • © Margaria Pepin

    Adobament dal Grand Prèmi de Mónegue de 2014

  • Arremassada de signatures pera independéncia. ANC Val d'Aran, Vielha 11-12 de gèr 2014

  • Serada occitana a Malhòrca

  • © Asalaís Moniguet

    Montpelhièr la lengadociana

  • © Laurenç Revèst

    Menton, 'a vivaroalpenca maritima

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • © Asalaís Moniguet

    Montpelhièr la lengadociana

  • © Julien Cazenave

    12.02.2019: manifestacion a Brussèlas per la libertat presonièrs politics catalans jutjats a Madrid

  • ©  LR

    Mostier e òrts de Cimiés, antica ciutat de Cemenelum, actualament quartier de Niça

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Que pensas de las senténcias de 9 a 13 ans de preson contra los nòu nauts representants independentistas catalanas?


5%



4%



91%



0%




Vots 133 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)