Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'AranQuate Lòcs

Bausen: 100 ans après la mòrt de Terèsa

Lo 10 de mai de 1916 moriguèt la protagonista d’una istòria d’amor qu’esmoguèt e engatgèt totes los abitants del vilatge aranés de Bausen

| Edu Bayer / microcatalunya.cat
Dimars passat, 10 de mai, se remembravan a Bausen (Val d’Aran) dels cent ans de la mòrt de Terèsa, abitanta del vilatge que protagonizèt l’istòria d’amor mai memorabla d’Aran, e saique d’Occitània.
 
L’istòria se passèt al començament del sègle XX, quand la Glèisa Catolica encara aviá un grand poder sus la vida de las personas. Dins los ans 1920, dos joves de Bausen tombèren amoroses d’un biais talament fòrt que captivèron totes los vilatgeses, qu’admiravan l’amor del parelh de calinhaires. El se nomenava Francés e èra de la casa Doceta e ela se nomenava Terèsa e èra de la casa Belana. Un jorn decidiguèron de se maridar, mas lo curat lor demandèt una granda quantitat d’argent, pr’amor qu’avián de ligams de sang, e mai s’aqueles ligams èran alonhats. Alavetz, lo parelh decidiguèt de se maridar civilament. Aguèron dos enfants: un filh e una filha.
 
Quand Terèsa aguèt 33 ans venguèt malauta e moriguèt. Alavetz lo curat refusèt de l’enterrar al cementèri del vilatge. Davant lo desespèr de Francés e amb granda indignacion, totes los abitants de Bausen bastiguèron un cementèri alternatiu a 400 mètres del vilatge, ont solament repausa Terèsa.
 
Francés e los enfants s’exilièron de l’autre costat de la frontièra politica. El jamai se remaridèt, e quand moriguèt demandèt d’èsser enterrat al costat de son aimada Teresa, mas foguèt pas possible a causa del regim del dictator Franco que la glèisa i teniá totjorn lo poder. Los enfants son tanben mòrts e ara son los felens que prenon en carga la conservacion del cementèri particular de Terèsa.
 

 
 
 
 
Infòc de Barcelona TV 10.07.2011
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma de mallorca
1.

Cresi qu' ara la situacion política amb la mort de Paco la culona, es diferenta e se podria juntar tota la familia al polit sementeri.

  • 0
  • 0

Escriu un comentari sus aqueste article