Bandièra01 capçalera  1180x150: Botiga

Actualitats

La FIFA admet Kosova e Gibartar coma membres nòus

La federacion de Jersey cercarà l’adesion a l’UÈFA

| Associacion de Fotbòl de Gibartar
Lo 66n Congrès de la FIFA admetèt lo 13 de mai las federacions de Gibartar e Kosova coma membres nòus del pus grand organisme fotbolistic mondial. Aquò, malgrat l’oposicion d’Espanha a respècte de Gibartar e de Serbia a respècte de Kosova.

Lo Congrès seguiguèt la recomandacion anteriora del Conselh de la FIFA, qu’aviá conselhat l’admission dels dos païses. Kosova recebèt 141 vòtes favorables e 23 contraris. E Gibartar aguèt lo sosten de 172 federacions e lo refús de 12.

Amb aquela decision, las esquipas de Kosova e Gibartar poiràn participar als torneges classificatòris per lo mondial de fotbòl de 2018, que se celebrarà en Russia.

Ambedoas federacions èran ja estadas admesas abans pel pus naut organisme del fotbòl europèu, l’UÈFA.

La federacion de Jersey, una de las Illes Normandas, a exprimit son intencion de demandar a l’UÈFA l’adesion e d’èsser reconeguda oficialament, coma Gibartar. Las Illas Normandas dependon de Londres mas fan pas partida del Reialme Unit.
 
 


Aqueste article es adaptat de Nationalia amb qui Jornalet a un acòrdi de collaboracion.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma de mallorca
1.

Gibraltar pot haver un bon equip.

  • 0
  • 0

Escriu un comentari sus aqueste article