Actualitats
Dètz e sèt èx-ministras francesas denóncian publicament lo sexisme
En seguida de las acusacions de secutament sexual, pertocant lo deputat Denis Baupin, dètz e sèt politicianas d’esquèrra e de drecha s’engatjan
“L’impunitat es acabada. Calarem pas pus”. Es aital que dètz e sèt èx-ministras francesas de divèrsas colors politicas an denonciat lo secutament sexual dins un article publicat sus Le Journal du Dimanche. Elas lançan una crida a tota la societat per luchar contra lo sexisme, e asseguran que denonciaràn “sistematicament” totas las manifestacions de tipe sexista, quitament los comentaris, gèstes o comportaments inapropriats.
Aquela crida se publica qualques jorns après que lo vicepresident de l’Assemblada francesa, Denis Baupin, demissionèsse. Baupin a demissionat après que uèch femnas l’an acusat de secutament sexual. Per las èx-ministras, la demission de Baupin, e tanben l’escàndol de 2011 amb Dominique Strauss-Kahn, demòstran que lo secutament sexual “afècta totes los partits e nivèls de poder”.
Elas tanben soslinhan que son paucas las femnas que van en justícia quand son secutadas, e per tant, prepausan de cambiaments legislatius coma alongar la prescripcion dels delictes. En mai d’aquò reclaman que las entrepresas compliscan l’obligacion legala de protegir los salariats e de sancionar lo secutaire.
En seguida de l’afar Baupin, mai d’una femna an denonciat que i a un vel de silenci sul masclisme e lo secutament dins la politica francesa. Per lo combatre an lançat una peticion en linha entitolada “Levem l’omertà”. En una setmana a despassat las 15 000 adesions.
Las dètz e sèt èx-ministras que signan la letra publicada dins Le Journal du Dimanche son Roselyne Bachelot, Michelle Demessine, Cécile Duflot, Elisabeth Guigou, Aurélie Filippetti, Chantal Jouanno, Nathalie Kosciusko-Morizet, Christine Lagarde, Marylise Lebranchu, Corinne Lepage, Monique Pelletier, Fleur Pellerin, Valérie Pécresse, Yvette Roudy, Catherine Trautmann, Dominique Voynet e Rama Yade.
Aquela crida se publica qualques jorns après que lo vicepresident de l’Assemblada francesa, Denis Baupin, demissionèsse. Baupin a demissionat après que uèch femnas l’an acusat de secutament sexual. Per las èx-ministras, la demission de Baupin, e tanben l’escàndol de 2011 amb Dominique Strauss-Kahn, demòstran que lo secutament sexual “afècta totes los partits e nivèls de poder”.
Elas tanben soslinhan que son paucas las femnas que van en justícia quand son secutadas, e per tant, prepausan de cambiaments legislatius coma alongar la prescripcion dels delictes. En mai d’aquò reclaman que las entrepresas compliscan l’obligacion legala de protegir los salariats e de sancionar lo secutaire.
En seguida de l’afar Baupin, mai d’una femna an denonciat que i a un vel de silenci sul masclisme e lo secutament dins la politica francesa. Per lo combatre an lançat una peticion en linha entitolada “Levem l’omertà”. En una setmana a despassat las 15 000 adesions.
Las dètz e sèt èx-ministras que signan la letra publicada dins Le Journal du Dimanche son Roselyne Bachelot, Michelle Demessine, Cécile Duflot, Elisabeth Guigou, Aurélie Filippetti, Chantal Jouanno, Nathalie Kosciusko-Morizet, Christine Lagarde, Marylise Lebranchu, Corinne Lepage, Monique Pelletier, Fleur Pellerin, Valérie Pécresse, Yvette Roudy, Catherine Trautmann, Dominique Voynet e Rama Yade.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Politicianas de dreita moltes, massa, d'esquerras cap.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari