Bandièra01 1180x150: Comuna de Tolosa

Actualitats

Madrid: un òme sens domicili fixe s’afronta a una manifestacion de neonazis

La marcha faissista contra los refugiats se debanèt dissabte passat a Madrid amb la permission de las autoritats e l’ajuda de la polícia

| Laura Galaup
Un òme sens domicili fixe desfisèt una manifestacion de neonazis a Madrid. “Sètz una vergonha!”, çò lor cridava repetidament l’òme, coma o podètz veire sul vidèo que l'enregistrèt Eldiario.es. La polícia antisusmautas prenguèt l’òme e l’apartèt de la manifestacion.
 

 
 
De crits contra los refugiats e contra Catalonha
 
La protèsta faissista en question se debanèt dissabte passat, 21 de mai, a Madrid, e foguèt autorizada per la delegada del govèrn, Concepción Dancausa,  la meteissa qu’aviá prèviament enebit los drapèls independentistas catalans dins los estadis de fotbòl. La manifestacion èra estada convocada pel collectiu ultradrechista Hogar Social Madrid, e amassèt un milierat d’assistents que cridavan de consignas contra los refugiats e contra Catalonha.
 
La polícia talhèt la circulacion automobila per permetre l’avançada del cortègi, del temps que los manifestants fasián de saludacions faissistas. La marcha s'acabèt amb de provocacions e de rambalhs, e mai de menaças contra los jornalistas davant la passivitat policièra. La jornalista Laura Galaup raportèt al detalh sus Twitter la manifestacion, los rambalhs e las provocacions.
 
 
Un poton gai contra lo faissisme
 
En mai de l’òme sens domicili fixe que desfisèt los faissistas, un autre dels imatges qu’an corregut los rets socials es la fòto d’un parelh gai que se fasián un poton davant los manifestants. Pasmens, la polícia los arrestèt e separèt del cortègi faissista.
 


 


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francon Sant Joan
3.

Ieu faguèri un error en mon comentari. Es "diguèt" e non "diguèri" (tresena persona de singular).

  • 1
  • 0
francesc palma de mallorca
2.

Un home s'enfronta a tota la colha d'extremistas. Un home basta per canviar las causas. Per far-los comprene que lo que fan es causa de retrassats mentals.

  • 2
  • 0
Francon Sant Joan
1.

Me suspreni pas vèser aquesta manifestacion dins Madrid. La Dancausa diguèri que èra "democratic" la protèsta: "Marca España".

  • 2
  • 0

Escriu un comentari sus aqueste article