Bandièra01 1180x150: País Invisible

Actualitats

Rugbi Top 14. Biàrritz ei purmèir abans de recéber Tolosa

Pro D2. Oyonnax serà benlhèu l'esquipa a seguir aquesta sason

| Iwan Caouren
Bègla-Bordèu 26-22 Perpinhan
 
Lo navèth manager de l’UBB, Raphael Ibanez, n’èra pas content de la purmèira des·hèita de la soa còla contra Grenòble. Dens la setmana, a dit las soas quate vertats aus jogaires. Sustot que Perpinhan, dab Delpoux com navèth entrenaire e  persona hòrt respectada a l’Union, vienèva per préner punts a l’exterior apuei una mauescaduda a casa contra Tolon.

La purmèira tempsada de pichona qualitat s’acabèt dab un 15 a 15. L’Union comencèt la dusau tempsada a 13 contra 15 mès los catalans ne saburen tuar la partida. Sordeish Andrew Mailei marquèt peus gascons un ensai a la cinquantau minuta. Dab dus navèras penalitats de Camille Lopez, los girondins firen lo tribalh per ganhar una partida a ne pas pèrder.
 
 
Racing 21-23 Tolon
 
Vaquí la partida a ne pas mancar d’aquera dimenjada. I a avut hòrt de jòc dab duas còlas de qualitat. Tolon muishèt un còp de mei que cau comptra sus eths. Dusau partida a l’exterior, dusau victòria. A la quaranta navau minuta los racigmen dominèren los varés 21a 13. Mès los tolonés perpausèren de l’aucupacion e deu jòc e normaument an pres lo planchòt dens las cinc darrèiras minutas.
 
Palisson acabèt KO e Masoe a vint punts de sutura sus dus accions on n’i a pas avut de peca parisenca.
 
Cau felicitar las duas còlas peu nivèu tecnic.

 
Baiona 24-11 Estadi francés
 
Los baionés n’avèvan pas lo dreit de pérder una seconda partida consecutiva a casa. An perpausat deu jòc restrictiu dab un tustaire arretrobat. Ueit penalitats deu costat basco e un beròi ensai de París e en començament de dusau tempsada. Los parisencs poden har dòu de partir de Baiona shens nat punt.
 
 
Tolosa 37-22 Lo Mont
 
Que pensar d’aquera partida? Los landés ne priren pas de punt au classament mès perpausèren un jòc ambiciós contra Tolosa. Apuei quaranta minutas, a la suspresa generau lo Mont ganhèt 19 a 17. Tolosa tornèt dens la partida en seconda tempsada e chic a chic los jogaires roi e negre priren lo dessús. Los landés, dab enqüèra tres cartons jaunes, deven tribalhar la disciplina per esperar ganhar partidas e se sauvar en top 14.
 
La setmana que vien purmèira recepcion de la sason a Barbe d’Or contra Tolon.
 
 
Montpelhièr 13-8  Clamont
 
Èra una partida seriosa deu haut de classament. Los montpelhierencs n’avèvan pas lo dreit de har com l’an passat un meishant començament de sason. Tot se joguèt enter la trenta e la trenta cincau minuta dab un ensai a deus clarmontés sus una accion menda per James. Tres minutas apuei, Berard intercepta la veishuga per anar marcar un ensai e préner lo planchòt dinc a al fin de la partida.
 
 
Castras 30-13 Grenòble
 
Los arpitans ne podoren pas tornar començar l’espleit de la setmana passada. Los castrés pensavan préner cinc punts mes a la darrèira minuta los de Grenòble muishèren las loras qualitats per sortir lo bonus ofensiu au tarnés e marcar lo darrèir ensai de la partida.
 
 
Agen 19-25 Biàrritz
 
Au començament de la partida sentèvam que deu costat agenés i avèva la pression e de l’aute costat la volontat de har una bona ahar. A la ueitau minuta e sus la purmèira vertadièra accion, Ngwenya marquèt un ensai e permit aus vascos de préner lo planchòt dinc a la fin de la partida.
 
A l’òra  e jòc los olt e garonès èran tornats a  tres punts, mes Traille sortit un dròp com sap har.
 
Uei Agen a dus des·heitas a cas e los jogaires com Monribot se demandan publicament si lo jòc perpausèt peus entrenaires n’es pas tròp ambiciós. Es benlhèu  la crisi sonque apuei dus partidas.
 
Biàrritz ei purmèir abans de recéber Tolosa.
 
 
 
Pos Clubs Pts. j g r p dif
1Biàrritz 9 2 2 0 0 31
2Tolosa 9 2 2 0 0 16
3Tolon 8 2 2 0 0 8
4Castras 5 2 1 0 1 16
5Baiona 5 2 1 0 1 6
6Bègla-Bordèu 5 2 1 0 1 3
7 Racing-Métro 92 5 2 1 0 1 2
8Clarmont 5 2 1 0 1 2
9 Estadi francés 4 2 1 0 1 3
10Montpelhièr 4 2 1 0 1 -11
11 Grenòble 4 2 1 0 1 -16
12Agen 2 2 0 0 2 -10
13 Perpinhan 2 2 0 0 2 -10
14Lo Mont 0 2 0 0 2 -40
 
 
 
Pro D2
 
Lion e Briva començèren plan la sason. Lion, dab Nallet e Chabal, ne prenèren pas lo bonus ofensiu contra Tarba.
 
Dimenge, Briva ganhèt a Besièrs. Los de Besièrs an sonque an perpausat pelejas tota la partida.  I avèva dus classas de diferéncia, vist hèit los brivistas an muishat la lora qualitat dens lo jòc. Mes chic a chic dintrèren dens las pelejas. Deu còp n’an pas près lo bonus ofensiu e la partida s’acabèt a 13 contra 13.
 
Pau, finalista l’an passat per la jujada, prit quate punts dens un desplaçament tostemps complicat a Narbona.
Las dus vertadièras suspresas de la setmana vienen deus dus semifinalistas de l’an passat. Dacs e La Ròchela perdoren a casa contra Orlhac e Oyonnax. Cau brembar qu’Oyonnax aquesta annada a transformat la soa còla dab jogaires arribats de Top 14. Serà benlhèu la còla a seguir aquesta sason.
 
 
Los resultats:
 
Besièrs 20-27 Briva
Albi 22-20 Colomièrs
Aush 24-23  Carcassona
Dacs 16-31 Orlhac
La Rochèla  12-22 Oyonnax
Maasy 21-18 Ais de Provença
Narbona  13-17 Pau
Lion 30-12 Tarba




Eric Goyhenne

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Vincenç Baiona
1.

Urós de tornar trobar los tons comentaris tà de'questa sason, Eric !

  • 0
  • 0

Escriu un comentari sus aqueste article