Actualitats
Un mineral estranh fa reanalisar l’istòria geologica de Mart
Se cresiá que Mart aviá pas de placas tectonicas, mas an trobat un mineral associat a las violentas explosions volcanicas
Los scientifics an trobat d’evidéncias de tridimita dins las donadas enviadas pel robòt Curiosity qu’es sus Mart. La tridimita es un tipe de mineral que sus la Tèrra es associat amb las explosions volcanicas.
Dins un article publicat dins la revista Proceedings of the National Academy of Sciences, la còla del Centre Johnson de a NASA, dirigida per Richard V. Morris, descriu que Curiosity a trobat una mòstra qu’après qualques analisis fa reanalisar tota l’istòria de la formacion de la Planeta Roja.
Fins ara, los scientifics cresián que l’istòria geologica de Mart èra estada fòrça tranquilla, en comparason amb la de la Tèrra, e se cresiá que Mart aviá pas de placas tectonicas cambiadissas que causèsson los tèrratrems e las explosions volcanicas. Las evidéncias volcanicas trobadas sus la Planeta Roja se presentavan coma un flux constant, a la faiçon dels volcans de las illas d’Hawaii. Mas ara, la trobalha de la tridimita fa reanalisar tota l’istòria geologica de Mart.
Lo robòt Curiosity es a percórrer lo cratèr Gale dempuèi l’an 2014 e arunan comencèt de captar e d’extraire de mòstras d’una zòna nomenada Marias Pass. La còla d’investigacion observèt una composicion de las ròcas que semblava de suggerir de silici, e ne sometèron una mòstra a d’analisis de rais X. Lo resultat es un nivèl naut de tridimita. Es probable qu’aquela tridimita se siá formada dins un autre endrech de la planeta e siá estada menada dins lo cratèr, eventualment per un ancian riu. Deu èsser de material expulsat o format per de volcans explosius, mas, cossí se formèron en abséncia de la tectonica de las placas?
Aqueles resultats son solament lo començament de la reanalisi de fòrça projèctes de l’istòria de Mart. Òm cèrca de saber cossí se pòt crear la tridimita sens l’intensa calor d’una violenta erupcion volcanica.
Dins un article publicat dins la revista Proceedings of the National Academy of Sciences, la còla del Centre Johnson de a NASA, dirigida per Richard V. Morris, descriu que Curiosity a trobat una mòstra qu’après qualques analisis fa reanalisar tota l’istòria de la formacion de la Planeta Roja.
Fins ara, los scientifics cresián que l’istòria geologica de Mart èra estada fòrça tranquilla, en comparason amb la de la Tèrra, e se cresiá que Mart aviá pas de placas tectonicas cambiadissas que causèsson los tèrratrems e las explosions volcanicas. Las evidéncias volcanicas trobadas sus la Planeta Roja se presentavan coma un flux constant, a la faiçon dels volcans de las illas d’Hawaii. Mas ara, la trobalha de la tridimita fa reanalisar tota l’istòria geologica de Mart.
Lo robòt Curiosity es a percórrer lo cratèr Gale dempuèi l’an 2014 e arunan comencèt de captar e d’extraire de mòstras d’una zòna nomenada Marias Pass. La còla d’investigacion observèt una composicion de las ròcas que semblava de suggerir de silici, e ne sometèron una mòstra a d’analisis de rais X. Lo resultat es un nivèl naut de tridimita. Es probable qu’aquela tridimita se siá formada dins un autre endrech de la planeta e siá estada menada dins lo cratèr, eventualment per un ancian riu. Deu èsser de material expulsat o format per de volcans explosius, mas, cossí se formèron en abséncia de la tectonica de las placas?
Aqueles resultats son solament lo començament de la reanalisi de fòrça projèctes de l’istòria de Mart. Òm cèrca de saber cossí se pòt crear la tridimita sens l’intensa calor d’una violenta erupcion volcanica.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
encuei un parèu d'atentat-suicidas a Bagdad -119 moarts,, aièr 40 moarts au Banglah-Desh, deman en Africa amb boko-aram ...Sabetz pas belèu que la Gambia, anciana colonia anglesa - aquesta lama de cotèu tancada en plen mitan dau Senegal- a un president islamista que ven de decretar la sharia e de remplaçar la lenga oficiala anglesa per l'arabe, e ben vos l'apreni. ! de miliers de victimas dins lo mond encausa d'una religion obscurantista e medievala experta en explosius e en armas ultra-modèrnas, s'aquò ei pas una guerra, li sembla abòrd
un article scientific fòrça interessant que duerbe de perspectivas, lo jornalet aquita fai una bòna òbra a costat d'una marrida: la tribuna qu'òfre ai supersticions e a l'intolerança ecologista que pren de proporcions que vos fai revessinar lei pèus. constati pereu que lo jornalet se garda ben de mencionar e de comentar leis atentats djihadistas quotidians que se produson ai quatre cantons de la planèta, crenhència de faire d' amalgame, de segur e de menar de reflexions sus aquelei premicis de tresena guerra mondiala
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari