Actualitats
Las esquipas occitanas de fotbòl parton uèi vèrs l’Europeada 2016
Una esquipa masculina e una femenina representaràn las colors d’Occitània dins lo torneg de fotbòl de las minoritats d’Euròpa que se debana del 18 al 25 de junh en Sud-Tiròl
Las doas esquipas de la seleccion occitana de fotbòl, una de masculina e una de femenina, parton uèi vèrs Sud-Tiròl per participar a l’Europeada 2016, lo torneg de fotbòl de las minoritats d’Euròpa que se debanarà del 18 al 25 de junh. Acompanhan los jogaires e las jogairas, los entraïnaires, dos coachs, un cosinièr, un fisiositerapèuta e un preparator fisic. Lo blòg de l’occitan de France 3 ne publica un bèl rapòrt.
L’Europeada
30 esquipas representant de minoritats nacionalas e de nacions sens estat disputaràn en junh que ven la tresena edicion de l’Europeada, un campionat de fotbòl que coïncidís amb la celebracion de l’Eurocopa dels estats. Lo campionat pren una vida nòva e se combina amb de celebracions culturalas.
L’Europeada es organizada per la FUEN, e la majoritat de sos participants son centreuropèus. Aital, i participaràn las seleccions de Sud-Tiròl, dels romanches del canton soís dels Grisons, de Lusàcia, de la Nauta Silèsia e de divèrsas minoritats balcanicas. Per la rèsta d’Euròpa, se destaca la participacion de las seleccions d’Occitània, de l’Illa de Man, dels tatars de Crimèa e d’una seleccion de totas las minoritats d’Estònia.
I aurà per lo primièr còp una competicion femenina (sièis esquipas) al costat de la tradicionala masculina (24 esquipas).
De bons resultats per Occitània
Dins las doas edicions anterioras de l’Europeada, en 2008 e 2012, la seleccion de Sud-Tiròl foguèt proclamada campiona: dins la primièra escasença en vencent la seleccion dels croats de Serbia, e dins la segonda en vencent los gitanos d’Ongria.
En 2012, Occitània arribèt als quarts de finala. Après tres victòrias consecutivas, perdèt 3-0 contra Sud-Tiròl dins una partida “malaisida”.
L’Europeada
30 esquipas representant de minoritats nacionalas e de nacions sens estat disputaràn en junh que ven la tresena edicion de l’Europeada, un campionat de fotbòl que coïncidís amb la celebracion de l’Eurocopa dels estats. Lo campionat pren una vida nòva e se combina amb de celebracions culturalas.
L’Europeada es organizada per la FUEN, e la majoritat de sos participants son centreuropèus. Aital, i participaràn las seleccions de Sud-Tiròl, dels romanches del canton soís dels Grisons, de Lusàcia, de la Nauta Silèsia e de divèrsas minoritats balcanicas. Per la rèsta d’Euròpa, se destaca la participacion de las seleccions d’Occitània, de l’Illa de Man, dels tatars de Crimèa e d’una seleccion de totas las minoritats d’Estònia.
I aurà per lo primièr còp una competicion femenina (sièis esquipas) al costat de la tradicionala masculina (24 esquipas).
De bons resultats per Occitània
Dins las doas edicions anterioras de l’Europeada, en 2008 e 2012, la seleccion de Sud-Tiròl foguèt proclamada campiona: dins la primièra escasença en vencent la seleccion dels croats de Serbia, e dins la segonda en vencent los gitanos d’Ongria.
En 2012, Occitània arribèt als quarts de finala. Après tres victòrias consecutivas, perdèt 3-0 contra Sud-Tiròl dins una partida “malaisida”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cresi que fan molt ben de mostrar talament lo que son. Tamben hi hauria d'anar Catalunya e Euskadi.
L'esquipa d'Occitània, se perd la partida, aurà aumens ganhada una s. Es dejà quicòm.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari