Bandièra01 1180x150: Comuna de Tolosa

Actualitats

Denóncia en justícia contra la KTKB, la banca turca que finança lo jihad

Un avocat de San Francisco, Mogeeb Weis, a fach sa denóncia a la justícia en Carolina del Sud en nom de l’associacion assiriana Sant Francés d’Assisi, qu’acusa la banca KTKB (Kuveyt Türk Katılım Bankası A.Ş.), de finançar de grops jihadistas en Siria e Iraq.
 
La denóncoa se basa sus las enquèstas de la còla de Tom Creal, que trabalhèt coma expèrt de l’ÒNU contra la corrupcion e lo crime organizat als Estats Units, en Afganistan, Sierra Leone e Iraq.
 
La banca KTKB foguèt creada en 1989 per Kuwait Finance House (KFH), la principala banca de Kowait. Los autres deteneires d’accions de la KTKB son la Direccion Generala de las Fondacions de la Republica de Turquia, l’Institucion Publica Kowaitiana de Seguretat Sociala e la Banca Islamica de Desvolopament. La banca KTKB compren 180 agéncias en Turquia.
 
Lo vicepresident de la banca KTBK, Adnan Ertem, es un èx-collaborador del president turc Recep Tayyip Erdoğan. En mai d’aquò, Adnam Ertem es lo director general de las Fondacions de la Republica de Turquia.
 
 
 
 
Aquesta nòva es adaptada de Geopolítica.cat amb qui Jornalet a un acòrdi de cooperacion.
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma de Mallorca
1.

Bancs de Kuwait e Turquia, portan los afars de los terroristes. Los cal denonciar e com a col·laboradors del terrorisme internacional apicar-los la lei antiterrorista de las Nacions Unides.

  • 1
  • 0

Escriu un comentari sus aqueste article