Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaArmanhacBrulhés

Sant Sixt: an inaugurat un monument als gitanos tuats pels nazis

Es lo primièr momunent que se fa en Occitània en omenatge als gitanos massacrats pel nazisme

| Le Blog d’Olivier Blochet
S’inaugurèt dijòus passat a Sant Sixt (Brulhés) un memorial pels gitanos tuats pels nazis, çò rapòrta Sud-Ouest. Realizada per un artista agenés, l’escultura commemòra lo chaple de 14 gitanos lo 23 de junh de 1944 en mans d’una unitat de las Waffen SS, la meteissa unitat que lo meteis jorn anava prene 12 personas dins lo vilatge vesin de Dunas (Lomanha).
 
Lo monument es installat just en fàcia de la prada ont fusilhèron los 14 fieraires, que fasián escala dins lo vilatge mentre que s’encaminavan vèrs la fièra de Valença d’Agen.
 
Facha d’acièr inoxidable, l’òbra representa una paire e son enfant.
 
Es lo primièr momunent que se fa en Occitània en omenatge als gitanos chaplats pel nazisme.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma de Mallorca
2.

Los putas nazis ha tuat de tot, homosexuals, jueus, democratas, comunistas,nins ,vielhs,dones ,.. .tamben las ss quan invadien Rusia demostraren sos nuls sentits humanitaris.

  • 0
  • 0
comtessa de Dia
1.

es pas interdich d'emplegar lo mot massacre e lo vèrb massacrar; se lo substantiu chaple conven en tant que sinonime de massacre, en cambi lo vèrb chaplar conven pas gaire dins lo sens de massacrar o de tuar jusqu'au darrier, perqué s'un cop fas de pomas d'amor (tomatas) à la provençala, l'emplegues aquidins son acepcion primiera, que te fau chaplar l'alhet e lo juvèrt pèr l'estendre sus lo legum dins la sartan. Mesclem pas lei genres. en Argentina, dins totei lei restaurant, li a fòrça plats que son denominats a la provenzal ei perqué li meton dedins d'alh e de juvert chaplats o trissats e se demandes d'onte ven aquela denominacion, lo sabon pas, coneisson pas nòstra Provença que fai lume au monde e te li fau explicar que Provença es un region de Frrança situada en riba de mar Mediterranea entre Espanha e Itàlia dos pais que coneisson bèn l'un perqué ei la maire patria e l'autre perçoque que fòrça abitants babis an agut emigrat en Argentina e aquò dona a l'espanhou parlat ailalin un polit acent italian qu'adocis lo castilhan d'origina

  • 3
  • 0

Escriu un comentari sus aqueste article