Bandièra01 1180x150: Comuna de Tolosa

Actualitats

Los païses fondadors de l’UE demandan al Reialme Unit un “divòrci aviat”

Mai de dos milions de personas demandan de repetir lo referendum

Los ministres dels afars exteriors d’Alemanha, França, Itàlia, Belgica, los Païses Basses e Luxemborg an demandat al Reialme Unit d’activar l’article 50 del tractat de Lisbona per qu’aquel país quite l’Union “lo pus lèu possible”. “Sèm dispausats a trabalhar amb las institucions per que comencen las negociacions, per tal de definir e esclarzir las futuras relacions entre l’UE e lo Reialme Unit”, çò an afirmat los sièis dins una declaracion conjoncha legida après una reünion celebrada a Berlin. Aital o an raportat los mèdias alemands.
 
Aqueles sièis païses fondèron la dicha CÈCA, Comunautat Europèa del Carbon e l’Acièr, que venguèt lo grelh de l’Union Europèa actuala.
 
Dimècres se tendrà la primièra reünion dels caps europèus a Brussèlas sens lo Reialme Unit, e se començarà de parlar del divòrci.
 
 
Demandan de repetir lo referendum
 
Mai de dos milions de personas an signat, dins lo sit web del Parlament britanic, una peticion per demandar la creacion d’una nòva nòrma que permetriá de repetir lo referendum sus lo Brexit.
 
Aquela peticion demanda que se repetisca lo referendum e que se tenga en compte solament lo resultat s’una de las doas opcions atenh lo 60% dels vòtes amb una participacion superiora al 75%. Cal remembrar que lo Brexit s’impausèt amb lo 51,2% dels vòtes e amb una participacion del 72,2%.
 
La majoritat de las signaturas provenon de Londres, Brighton, Oxford e Cambridge, las vilas britanicas ont s’impausèt amb una clartat màger la causida de restar dins l’UE.
 
Lo Parlament britanic es obligat de considerar totas las peticions qu’obtenon mai de 100 000 signaturas. Alavetz, aquela peticion es a esperar una responsa oficiala.
 
 
S’apren a las politicas d’austeritat segon Tsipras
 
Lo primièr ministre de Grècia, Alexis Tsipras, a atribuit a la politica d’austeritat lo trionf del Brexit, sens culpabilizar en cap de moment los elegeires britanics. Tsipras a dich, davant lo comitat central de son partit Syriza, que los païses europèus son responsables d’aver mostrat “de deficiéncias cronicas” qu’an menat a aquela “decision trista mas respectabla”.
 
“Cal pas culpabilizar lo pòble britanic se las frontièras se dobrisson a la politica d’austeritat mentre que se ten las gents embarradas”, çò precisèt.
 
Dissabte, Tsipras parlèt amb lo president francés, François Hollande, e los dos caps s’acordèron sus lo besonh de mostrar de solidaritat davant la sortida del Reialme Unit. “La nòstra posicion comuna se basa sul besonh de refondar los principis de la democracia, de la proteccion sociala e de la solidaritat en Euròpa”, çò diguèt lo cap grèc.

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Alaric de montgordinhan
3.

Quant la resulta de la consultacion es pas aquela esperada pel mitan politic, dison que lo pople a pas respondut a la question posada mas a lo que la posa. E qu'aquo es pas la democracia. Mas se lo poder decidis de crear una lei sens consultacion e sens n'en parlar dins son programa electoral; tots los romegaires son acusats d'anar a l'encontra de la democracia tamben.
Degun pot s'escotar ara.

Avetz vist cossi aprep los debats politics televisats cada costat de la contesta se proclama venceire.
Trovon quicon e daquos sens importancias per la campanha mas las vertadieras decisions que seran applicadas un cop al poder n'en parlon jamai abans.

  • 0
  • 0
Francesc Palma de Mallorca
2.

Per quasi lo 4 %, una bona panera han donat a la troica e a Merkel. Ara diu la troica per dissimular que s'envagen, mas los ladres de l'UE estan molt fotuts perquè la democràcia els ha vençut. Ara toca a Holanda far lo referendum, e los trebalhadors estan farts de retalhades, se se fa democraticament ja serà lo segon país en sortin de L'UE DE LADRES.

  • 1
  • 1
Pirolet
1.

Pren totas tas causas e tira-te d'aquí ! I aurà quitament pas amb barra de roge sul miralh amb de la sala de banh : Foguèt polit mentre que durèt. E : M’as plan emmerdat-emmerdada e solide traparàs lo mejan de m’emmerdar encara, fa pas mestièr d’o escriure.

  • 1
  • 0

Escriu un comentari sus aqueste article