Dos joves de 22 e 24 ans  foguèron tuats per de tirs de Kalashnikov dins la nuèch de divendres a dissabte passats a Marselha. En mai d’aquò, una joventa de catòrze ans foguèt grèvament ferida. Los dos òmes foguèron abatuts dins lor veitura sul parquing de la ciutat Consolat, dins lo 15n arredondiment de la Ciutat Focèa. La joventa, victima collaterala d’aquel reglament de comptes, se trobava près e foguèt grèvament ferida a causa de la fusilhada; la menèron en urgéncia absoluda a l’Espitau Nòrd, çò rapòrta La Provence.
 
Dempùei lo començament de l’an, setze personas son estadas tuadas per bala a Marselha, la màger part d’entre elas a causa de reglaments de comptes. Lo darrièr se debanèt lo 15 de junh dins una ciutat dels Quartiers Nòrd, al 13n arredondiment, ont moriguèt un jove de 23 ans.
 
 

Marseille : deux morts et une blessée après une...per LaProvence