CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 15 de setembre

Actualitats

Diluns, 27 de junh de 2016, 03h00 Politica,Internacional

Eleccions legislativas a l’estat espanhòl: mièg an pus tard, càmbia pas grand causa

Lo Partit Popular se refortís e los socialistas sèrvan la segonda posicion. La formacion d’un govèrn demòra complicada


Comentaris 6 comentaris    
Marrit Flac Bon Plan bon Fabulós (4 vòtes)
carregant En cargar


Aqueste dimenge, los ciutadans de l’estat espanhòl an tornat votar lors representants al Congrès dels deputats e al Senat, après que lo resultat de decembre passat e l’incapacitat dels partits per arribar a d’acòrdis mostrèron un estat ingovernable. Ça que la, aqueste còp los resultats an pas gaire cambiat.
 
L’escrutini mòstra un panorama fòrça semblable als resultats de fa sièis meses, amb la diferéncia que Ciutadans a perdut de vòtes en favor del Partit Popular (PP), que ven pus fòrt. Ça que la, cap de formacion arriba totjorn pas a la majoritat absoluda e l’estat demòra ingovernable. Solament se poiriá formar govèrn amb un pache del Partit Popular (PP) e del Partit Socialista (PSÒE) o ben, a condicion que lo PSÒE s’abstenguèsse, del PP amb Ciutadans. La granda coalicion de las esquèrras (PSÒE e Podèm), qu’òm esperava ganhanta, es pas pus possibla. Los independentistas catalans tenon lors 17 representants al Congrès dels Deputats a Madrid.
 
Lo PP es lo grand ganhant amb près del 33% dels vòtes, lo PSÒE resistís en segonda posicion amb mai del 22%. Units Podèm obten lo 21,13% e Ciutadans patís una revirada amb pauc mai del 12%. En tot esperar los resultats definitius, lo PP atenh lo nombre de 137 sètis, çò es 14 de mai qu’en decembre. Lo PSÒE ne pèrd 5 e davala a 85. Units Podèm sèrva los meteisses 71 deputats qu’obtenguèron en decembre Podèm e Esquèrra Unida separadament, qu’en aquesta escasença se presentavan ensems. Ciutadans passa dels 40 deputats de decembre a 32. Lo nombre de vòtes qu’a perdut Ciutadans es aperaquí lo qu’a ganhat lo PP, per çò que se pòt dedusir que los elegeires an volgut punir lo partit neodrechista a causa de lor intencion de pache amb lo PSÒE.
 
Catalonha e Bascoat son los sols endreches ont Podèm es la fòrça majoritària. Los partits independentistas catalans mantenon lo meteis nombre de deputats: 9 per ÈRC e 8 per CDC. Lo Partit Nacionalista Basc (EAJ-PNV) pèrd un deputat e davala a 5 e EH-Bildu sèrva los 2 que teniá. Coalicion Canària ten lo deputat qu’obtenguèt en decembre.
 
La participacion es 0,16% pus nauta qu’en decembre, qu’atenh lo 69,83%.
 
 
En Aran
 
En Aran, lo Partit Socialista (PSÒE), amb lo sosten d’Unitat d’Aran, obten lo 21,43% dels vòtes. Quita d’èsser la fòrça mai votada, remplaçat pel Partit Popular (PP), qu’obten lo 23,92%. Podèm es la tresena fòrça mai votada amb lo 17,58%, seguida de Convergéncia Democratica amb lo 10,48% e d’Esquèrra Republicana de Catalonha (ÈRC) amb lo 8,46%.
 
 
 


Podètz consultar los resultats sul sit del ministèri de l’interior espanhòl
 



publicitat
BANER1-2-3: DGPL TRADUCTOR



Comentaris

29 de junh 23.26h

La paur ha vençut, las calumnias de totes los altres partits e medias, dient que Podem era un partit comunista, extremista, finalament ha fet paur a una partida d'electors que pensavan votar a Podem, e que finalament han quedat paralizats e non han anat a votar o han votat al PSOE. Los colhós son bons d'acolhonar.


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

28 de junh 11.31h

#4 E aüra totes ensems chantam "Cara al sol" ?


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

28 de junh 04.22h

Aran a tornat exprimir son estacament clar a Espanha.


Valoriza aqueste comentari:   votar positiu 0   votar negatiu 1
Respondre comentari replica Comentari inadeqüat   Formulari d'abús de comentari

27 de junh 23.13h

La propaganda de totas la Tv e tots los mejans de comunicació dien que Podem era un partit extremista, com tamben han dit los altres partits PP,PSOE,C,s. Ha pogut finalment debilitar los primer possibles votants d'aqueste partit. Los autèntics extremistas son Ciudadanos d'extrema destra e franquista.


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

27 de junh 18.19h

Quanta categoria mai abstracha e variadissa que la de "pòble" ?
Òm pòt tot justificar amb aquela, en tot passar per un "progressista" e un democrata !
ZAD de pertot !


Valoriza aqueste comentari:   votar positiu 7   votar negatiu 1
Respondre comentari replica Comentari inadeqüat   Formulari d'abús de comentari

27 de junh 14.38h

Lo pòble a parlat, es çò parelh per nòstra dama de las lanas.
Amen!


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 31
  • sol Aush 30
  • sol Bordèu 30
  • sol Briançon 25
  • sol Caors 30
  • sol Carcassona 28
  • sol Clarmont-Ferrand 31
  • sol Confolent 29
  • sol Gap 22
  • sol La Canau 30
  • sol La Gàrdia 30
  • sol Limòtges 30
  • sol Lo Borg Sant Dalmatz 26
  • sol Lo Puèi de Velai 28
  • sol Marselha 29
  • sol Montpelhièr 29
  • sol Naut Aran 25
  • sol Niça 26
  • sol Nimes 30
  • sol Pau 26
  • sol Peireguers 30
  • sol Rodés 30
  • sol Tolon 31
  • sol Tolosa 28
  • sol Valença 30

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Franc Bardòu

    Tèrra albigesa

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • Ombres ena nhèu. © Xavi Gutiérrez Riu

    Prumèra nheuada dera sason ena Val d'Aran

  • © Conselh Generau d'Aran

    Hèsta d'Aran 2014

  • Val d'Aran, cap de Gasconha

  • Costiera de Gavotina marítima : Tròces de vial d'a marina de Mónego a Caboalh. © RL

    Costiera de Gavotina marítima: Tròces de vial d'a marina de Mónego a Caboalh

  • Ciutat de Draoníer. © Cristòu Daurore

    Ciutat de Draoníer (Val Maira)

  • Vista d'en Toasc (mont Vial en francés), 1550 mètres, Gavotina, som de sai comunai de Torrèta dau Castèl- Revèst d'Esteron, dominant sai valaas d'Esteron e de Var. © Laurenç Revèst

    Concors d'estiu 2012: La fotografia de las vacanças

  • La fèsta de Sant Joan a La Túrbia

  • Era còlha dera ADÒC ath trabalh

  • Aison de darrièr. © Andrea Celauro

    País d'Aison (Val d'Estura)

  • Estivada 2013. © Guillem Sevilla

    Estivada 2013

  • Valadas. © Xavi Gutiérrez Riu

    Valadas

  • Val d'Aran, cap de Gasconha

  • © Franc Bardòu

    Asuèlhs de Lauragués

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Laurenç Revèst

    Cavairac (Costièra de Nimes)

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • © Franc Bardòu

    País Bordalés

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)