Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc NautLauragués

Castèlnòu d’Arri ven la capitala de las culturas occitana e catalana

Del 1r al 3 de julhet se debana lo Forum Euroregional Patrimòni e Creacion, un eveniment festiu, participatiu e inedit

Lo Forum Euroregional Patrimòni e Creacion, definit coma una granda fèsta de las culturas vivas, prepausa tres jornadas e seradas de concèrts, teatre, conferéncias, taulas redondas, mòstras, iniciacions als espòrts tradicionals, passacarrièra dels animals totemics, talhièrs e balètis... Un quarantenat de rendètz-vos gratuits prepausats per totes los atges e totes los publics.


Castèlnòu d’Arri vendrà, de divendres a dimenge que venon, l’epicentre cultural d’Occitània e dels Païses Catalans. La vila lauraguesa aculhís lo Forum Euroregional Patrimòni e Creacion, un eveniment festiu, participatiu e inedit que prepausa un trentenat d’espectacles pendent tres jorns e tres seradas, mai d’un centenat d’artistas, un ochantenat d’intervenents dont de cercaires, d’expèrts, d’artistas e de companhiás. En mai d’aquò i seràn persentas mai d’un cinquantenat d’estructuras associativas. La còla de Jornalet i serem.
 
Pendent tres jorns, Castèlnòu d’Arri aculhís de talhièrs, de taulas redondas e de conferéncias animats per d’especialistas del domeni. Aital, dètz rendètz-vos tematics son prepausats a l’entorn de la creacion audiovisuala, del teatre, de las musicas actualas, del patrimòni cultural immaterial e de la gastronomia.
 
 
Un vintenat de concèrts gratuits
 
Lo Forum, son tanben de nuèches de fèsta. Es un vintenat de concèrts gratuits prepausats durant tres seradas per una programacion qu’assembla lo melhor de las scènas occitanas e catalans d’uèi. Retrobatz los occitans de Deu Bartàs [Du Bartas], la Talvera, Vox Bigerri, Mauresca... mas tanben The New Catalan Ensemble, Maria Arnal i Marcel Bagés, Pirat’s Sound Sistèma… Un centenat d’artistas al rendètz-vos d’aquela granda scèna de las musicas actualas.
 
Podètz consultar totes los concèrts en linha.
 
 
Una granda fèsta de las culturas vivas
 
Espectacles, mòstras, passacarrièra musicala o d’animals totemics, iniciacions als espòrts tradicionals... Partissètz a la descobèrta de culturas vivas e abondosas al cors d’una programacion inedita e familiala. L’eveniment prepausa, entretant: Supereròi, adaptacion teatrala en occitan, presentada pel primièr còp a l’escasença del Forum; una invitacion a descobrir las colissas de Tralhaires, darrièra produccion de Joan-Francés Tisnèr; Bufa & Sons “Tubs del Món”, espectacle musical... E per los esportius: iniciacion al palet gascon, al tambornet o a las ajustas lengadocianas.
 
Podètz consultar lo programa complet en linha.
 
 
Lo Forum: qu’es aquò?
 
Lo Forum es un espaci de rescontres, un moment de dialògs entre las culturas e las disciplinas: musica, teatre, cinèma, gastronomia, fèstas e tradicions... nascut de l’enveja comuna de tres actors culturals d’Occitània e dels Païses Catalans: lo CIRDÒC, la Fièra Mediterranèa de Manresa et Sa Xerxa (Fièra de Teatre Infantil e Juvenil).
 
Consultatz en linha los detalhs, oraris e inscripcions.
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Cafi
14.

#13 pensi que se pòt far.
Sul sit insee i son totas las estatisticas al nivèl dels despartaments.
Segur que demòran los despartaments mitat occitan.....m'enfin ja auriam una brava vistada de tota occitània.
Benlèu caldrà apondre qualques calculs de mai..un còp d'Excel e es fach.
Aquò poria èssser considerat coma lo començament d'una vision estatistica d'Occitània
Demorarà la mesa al jorn que dèu èsser d'un còp per trimestre...me sembla pas èsser lo diable çaquela....

  • 0
  • 0
Estève
13.

Benlèu que per presentar los autres territòris occitans (que son fòra de la region administrativa Occitània), perqué parlar pas de l'Occitània Granda ? Es una proposicion ...

  • 2
  • 0
MC MRS
12.

Sus lo consèu d'un cambarada gascon, prepausam d'emplegar la forma Occitanie© per parlar de la nòva region.

  • 0
  • 0
MC MRS
11.

Sus lo consèu d'un cambarada gascon, prepausam d'emplegar la forma Occitanie© per parlar de la nva region.

  • 0
  • 1
Cafi
10.

En plàça de vos chacalhar saría mai utíl de fa una presentacion en occitan de totas las novèlas regions

Lo sit de l'insee donar totas las entressenhas per aquò far. Per region e per departament.
Alavetz dins cada region fasetz una còla de tres personnas per quilhar totes aquelas donadas.
Avetz dos meses per o far. ( aquò rai que en 8 jorns se pòt far sens se petar lo cap!)


.

  • 3
  • 0

Escriu un comentari sus aqueste article