Bandièra01 1180x150: Comuna de Tolosa

Actualitats

Juncker assegura qu’Escòcia “a ganhat lo drech d’èsser escotada” per l’UE

Lo president de la Comission Europèa rescontrèt ièr la primièra ministra escocesa, Nicola Sturgeon, qu’es anada lo trobar per parlar del ròtle d’Escòcia dins l’UE

Juncker recebèt Sturgeon ièr a 17h dins lo sèti de l’executiu comunautari
Juncker recebèt Sturgeon ièr a 17h dins lo sèti de l’executiu comunautari
Lo president de la Comission Europèa, Jean-Claude Juncker, crei qu’Escòcia “a ganhat lo drech d’èsser escotada” per l’Union Europèa. O diguèt ièr a Brussèlas, just abans de recebre la primièra ministra escocesa Nicola Sturgeon, qu’es anada lo trobar per parlar del ròtle d’Escòcia dins l’Union Europèa. Pasmens, Juncker assegurèt que ni el, nimai lo president del Conselh Europèu Donald Tusk —qu’a preferit rescontrar pas la dirigenta escocesa— an pas cap d’intencion d’interferir dins lo procès britanic. “Es pas lo nòstre dever”, çò precisèt.
 
Sturgeon a previst una sèria de contactes amb de representants europèus per exprimir lo desir d’Escòcia de restar dins l’Union Europèa, e mai se lo Reialme Unit es a negociar la sortida del blòc comunautari après lo referendum qu’impausèt lo Brexit.
 
Juncker recebèt Sturgeon ièr a 17h dins lo sèti de l’executiu comunautari, del temps que Tusk declinèt un rescontre equivalent perque considèra qu’“es pas lo moment oportun” per se rescontrar amb la cap escocesa.
 
Lo president del Parlament Europèu, Martin Schulz, recebèt tanben Sturgeon dins l’institucion que presidís el. Ailà la primièra ministra escocesa ne profechèt per rescontrar los caps dels principals grops de l’Europarlament, compreses lo Partit Popular Europèu, los Socialistas e Democratas e los Liberals.
 
 
“I vesi pas cap de grand obstacle”
 
Lo cap del grop liberal (ALDE) de l’Europarlament, Guy Verhofstadt, aviá assegurat dimars dins una entrevista a la BBC que vesiá pas “cap de grand obstacle” per qu’una Escòcia independenta demorèsse dins l’Union Europèa. Segon son vejaire, far çò contrari seriá “suicidari” e pauc “empatic”.
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma de Mallorca
8.

Junquers ja té preparadalas retalhadas per Espanha després de las eleccions e la formacion de lo govern. Mas comque encara lo han pogut formar se n'ha hagut d'anar amb la coa entre las cambas. A la trecera serà la vençuda.

  • 0
  • 0
Jig
7.

#5#4 Totun çò qui lhèu e’vs sopica caphens, e s’ei atau qu’atz tota la rason, qu’ei lo fèit que desespèri tant deus electors (qui contunan de votar peus medishs escodacans) com deus elejuts (losdits escodacans). Mes com ac disèvi, lhèu las causas que son cambiar, a pos e passets.
Pr’aquò ne crei pas que las urnas e sian la solucion. N’ac son pas mei. La democracia europèa que fonciona quan vòtatz a dreta (alavetz lo pòble sàvi qu’a parlat e qu’a ua politica de dreta), pas quan vòtatz a esquèrra (alavetz qu’atz tanben ua politica de dreta, pr’amor que lo pòble desentenut a mauvotat).

  • 3
  • 0
Cafi
6.

#4 de legir "resorber la fracture démocratique dans l'ue.
E quora òm se dis democrata òm respecta la votz del pòble al travèrs los referendum!
Òm ensaja pas de cambiar las reglas per lo TAFTA e lo CEDA que de mai se son negociats a l'amagat.
Quand òm es democrata òm declara pas que quand es important se pòt far messorgas
Quand òm es democrata òm amaga pas al pòble los transferts de governança.
Quand òm es democrata òm dis al sicut d'un referendum que de tot biaís se contunharà....passa que t'ei vist referendumet.....
E qual fa profiech tot aquò ? Me sembla que goldman sach dèu oas èsser luenc.....
Avetz aremarcat que tanlèu lo Brexit standard and poor's demenesiguèt la nòta de GB de dos punts.....
Atal còp sec ! Lo mond financièr es reguergue e venjatiu pet los que seguisson pas la linha fixada....
Atal ...


  • 3
  • 0
Jig
5.

Democracia leca-te’n-l’uelh, democracia escota se plau, democracia pèths de castanhas, democracia fotiròlas.
Segon las mei recentas experiéncias de govèrns democraticament elegits, que’s hèn eléger dab un programa e que se’n boishan lo tafanari un còp elejuts. O ben que tornan per la frinèsta dab lo tractat qui lo pòble avèn regetat per la pòrta en un referendum.

  • 3
  • 0
garric
4.

Lo Jean Claude es lo cap d'un governament democratic, que la comission es responsabla davant lo parlament europenc democraticament elegit (que la pòt renversar). Es lo foncionament costumièr d'un sistèma parlementari. Se volètz cambiar la politica europenca, sufís de votar o de vos presentar a las eleccions europencas o de mobilizar vòstres dreches nombroses de ciutadan europenc.

  • 0
  • 5

Escriu un comentari sus aqueste article