Bandièra01 1180x150: Comuna de Tolosa

Actualitats

Islàndia a inventat l’haka europèu

Esportius e suportaires an festejat lo trionf amb una dança que ramenta lo biais neozelandés, mas que tanben poiriá aver d’originas vikings

Islàndia es un país petit, de solament 300 000 abitants, mas sa seleccion de fotbòl eliminèt diluns passat la poderosa esquipa d’Anglatèrra dins una partida jogada a Niça dins l’encastre de l’Èuro 2016 de fotbòl. Es lo primièr còp qu’Islàndia arriba tan luènh dins un campionat d’aquelas caracteristicas.
 
Après la partida, tota l’esquipa, amb son capitani davant, Aron Gunnarsson, se sarrèt de la zòna qu’ocupavan los suportaires. Totes ensems, dins una sincronizacion perfiècha, festegèron la victòria amb una dança espectaclosa. Per sa forma remembra l’haka neozelandés, mas poiriá aver tanben d’originas vikings.
 
L’entraïnaire de l’esquipa, Heimir Hallgrímsson, expliquèt a la premsa que se tracta d’una celebracion per una esquipa islandesa, mas especifiquèt pas quina celebracion.

 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ho…
2.

#1 HDP lo títol que se m’a minjat un braç, atau que dirén mei un sieg heil que non pas un \o/… :(
Desencusas aus vikings !

  • 1
  • 0
o/ HO !
1.

Espectaclosa ? Jutjatz : https://www.youtube.com/watch?v=PVq0MrmezpI
Ne hèn pas qu’alandar los braç e trucar de mans en cadéncia en tot har : – HO !
Qu’èm totun luenh de l‘elaboracion deu haka on, ce’m sembla, cada pas, gèste, mimica, grihanha ei codificat e a ua significacion precisa (shens desbrombar las paraulas).
S’ei inspirat de costumas vikings, qu’ei hòrt edulcorat, e plan s’està ! estant que las batalhas vikings e comencèvan dab escambis de nhaflas, escarnis e autas enguishas, puish de projectils macaires o ponchuts de tot escantilh… Au jorn de uei que n’i a pro dab los hooligans entad aquò.
Aquò rai, çò d’espectaclós qu’ei de’us véder a har córrer la veishiga shens complèxe e dab plaser quan los milionariòts d’en fàcia e jogassejan de caucanhs.
Aquí ua equipa de seguir ! Òsca Islàndia, annèssitz luenh !
\o/ HO !

  • 1
  • 0

Escriu un comentari sus aqueste article