Actualitats
Los Cabdèths: un bar gascon a Bordèu
Lo bar a la tòca de resensibilizar tot en doçor las gents bordalesas e de Gasconha a la sua cultura
Uei lo dia, un establiment tot plen originau vien d’espelir dens la capitau dau Ducat d’Aquitània. Adrian e Manu, dus gojats de Gironda, aubriren i a 6 mes, en mei dau lor restaurant “locavòr” dab l’accent gascon dens lo Quartèir Sant Pèir, un bar dens lo quartèir popular de Sant Miquèu.
La tòca: resensibilizar tot en doçor las gents bordalesas e de Gasconha a la sua cultura.
Aqueth lòc se ditz perfèitament occitan en véser la carta bilingüa, los cors de gascon, la decoracion tota arrevirada dens la lenga nòsta.
En mei dau banh culturau, una petanca es perpausada dens l’establiment e produits locaus aitant coma possible.
Ja es lo sit d’amassadas d’associacions, de hestenaus e lo punt de rendetz-vos daus occitans girondins.
Lo bar es ubèrt totas las jornadas dau dimars au dimenge d’11 oras a 1 ora dau matin. Perpausa un menut quotidian a mieidia e de ser, e nhacs de partejar (o non!).
Lucia Rolet
_____________
Los Cabdèths / Les Cadets
12 Cai de la Moneda, Quartèir Sant Miquèu
Bordèu
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Excellènta initiativa ! Mancarai pas de li passar un d'aquelei jorns !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari