Bandièra01 1180x150: Comuna de Tolosa

Actualitats

Los independentistas ganharàn en Quebèc segon un sondatge

Lo Partit Quebequés poiriá ganhar las eleccions que se debanaràn lo 4 de setembre, mas sens possibilitats de menar a tèrme lo referendum per l’independéncia



Lo Partit Quebequés (PQ) es lo favorit per ganhar las eleccions que se debanaràn lo 4 de setembre. Segon lo sondatge que publiquèt dimècres passat lo jornal La Presse, comandat a l’entrepresa Crop, lo partit independentista capitariá 33% dels vòtes, seguit per la coalicion nacionalista Avenir Québec, menada per un èx-ministre del Partit Quebequés, qu’atenheriá 28% dels vòtes.
 
Lo Partit Liberal, dins lo govèrn que finís, seriá près de la nòva coalicion nacionalista amb lo sosten de 27% dels votants.
 
S’aqueles resultats se confirman, lo referendum d’independéncia que prepausa lo Partit Quebequés se poirà pas far perque cal lo sosten d’un dels dos autres partits, e los dos anonciats o vòlon pas. 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article