Bandièra01 1180x150: Comuna de Tolosa

Actualitats

La  Corèa del Nòrd considèra coma una “declaracion de guèrra” las sancions dels Estats Units

Los Estats Units an anonciat de sancions economicas pr’amor que “la Corèa del Nòrd contunha d’infligir una cruseltat intolerabla”

La Corèa del Nòrd a considerat coma una “declaracion de guèrra” las sancions impausadas pels Estats Units al govèrn de Gim Jeongeun per de violacions dels dreches umans, çò rapòrta l’agéncia oficiala de premsa KCNA. Per l’estat nòrdcorean, aquelas sancions son un “crime òrre”, e an anonciat de “contramesuras fòrtas” contra los Estats Units.
 
Lo Departament del Tresaur estatsunidenc a anonciat de sancions contra Gim Jeongeun e un desenat de caps de son govèrn perque “la Corèa del Nòrd contunha d’infligir una cruseltat intolerabla a de milions de sos ciutadans, amb d’execucions extrajudiciàrias, de trabalh forçat e de torturas”.
 
Lo raportaire de l’ÒNU pels dreches umans en Corèa del Nòrd, Marzuki Darusman, reclamèt ongan lo procès de Gim Jeongeun e dels caps màgers del govèrn nòrdcorean per aver comeses de crimes contra l’umanitat.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
3.

Perquè els Coreans, és deixen de Xinesos, Americas i Rusos, i comencen a fer el que realment volen, que és acavar amb aquesta situació, i recercar la Pau, l'entesa entre les dues parts.
Segur que tots volen acabar amb aquesta situació: Que si possin i és deixin de romanços!
Visca la Terra Lliure!
L'Ernest, "El Tàrrega".

  • 0
  • 0
Ernèst Guevara Jr. L\'Avana
2.

Qué ne pensan, de "las sancions impausadas pels Estats Units al govèrn de Gim Jeongeun per de violacions dels dreches umans", las ancianas victimas de las dictaturas de dreita impausadas pals meteisses Estats Untis a las Americas Latinas ?

Qué ne pensan, de "las sancions impausadas pels Estats Units al govèrn de Gim Jeongeun per de violacions dels dreches umans", las victimas civilas de las guèrras americanas contra Vietnam, contra Irac, contra Afganistan ?

Qué ne pensan, de "las sancions impausadas pels Estats Units al govèrn de Gim Jeongeun per de violacions dels dreches umans", las victimas de la politica linguistica francesa ? E las vicitmas de las politicas neocolonialas francesas en Africa ? E las vicitmas economicas de la societat civila grèca, victimas de la politica neoliberala dictatoriala europèa ?

Se totas las injustícias èran legitimament castigadas, los politicinas d'ont que siá se poirián anar perdre al foins de la selva d'Amazonia per ensajar d'i escapar, lèu, lèu…

  • 1
  • 0
Francesc Palma de Mallorca
1.

Las sancions els fan rire e lo que preocupa a L'Imperi es la Xina.

  • 1
  • 0

Escriu un comentari sus aqueste article