Bandièra01 capçalera  1180x150: Botiga

Actualitats

crotz-tolosaCreated with Sketch.GuianaAgenésNaut Agenés

Naut Agenés: an trobat mòrta una petita filha qu’aviá desaparegut dimenge

Quitèt lo camp visual de sa mameta al bòrd del lac de Lograta e l’an retrobada negada dins lo lac

| Google maps
An trobat mòrta dins lo lac de Lograta (Naut Agenés) la petita Carmen, una filha de 3 ans portada desapareguda dempuèi dimenge a 15 oras, çò rapòrta Sud Ouest. Una autopsia serà facha dins los jorns avenidors a l’institut medicolegal de Bordèu per confirmar l’ipotèsi d’una negada.
 
Dimenge de tantòst, l’enfantona desapareguèt quand se trobava amb sa mameta dins una zòna amainatjada que compren un camping e una plaja al bòrd del lac. La petita èra a la portada de vista de la grand-maire e desapareguèt de son camp visual. Après avertir los socorses e los gendarmas, comencèt la recèrca. La polícia tractèt aquel afar coma una “desaparicion inquietanta”.
 
Ara, lo gropament de gendarmariá del departament d’Òlt e Garona an lançat un apèl a totas las personas que se trobavan al lac de Lograta dimenge entre 10h e 15h per que lor manden de fòtos presas sus plaça a l’email photoslacdelougratte@gmail.com. En mai d’aquò, la gendarmariá del departament sauprà grat de totas las informacions qu’òm pòsca provesir sus aquel afar al telefòn +33(0)5 53 69 30 00.
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article