Actualitats
Estats Units: la fòto qu’a fach lo torn del Mond coma simbòl de la lucha contra la brutalitat policièra
La femna foguèt arrestada dins una de las protèstas que se debanan darrièrament contra las violéncias de la polícia envèrs los negres
Vaicí una fòto qu’a fach lo torn del Mond, coma simbòl de la lucha contra la brutalitat policièra. Mòstra una femna negra drecha, tota sola dins una avenguda, qu'espèra tranquilla que dos policièrs fòrtament armats l’arrèsten. Se passèt a Baton Rouge, dins l’estat estatsunidenc de Loïsiana, dins l’encastre d’una de las protèstas que se debanan darrièrament contra las violéncias de la polícia envèrs los negres.
Lo fotograf, Jonathan Bachman de l’agéncia Reuters, expliquèt a The Atlantic que la polícia aviá ja detengut qualques manifestants. “Remarquèri que lo mond fasián fàcia a la polícia, virèri a drecha e cresi qu’ausiguèri aquela femna que disiá que la volián arrestar. E la vegèri ailà, drecha, al mièg de l’estrada”.
De mèdias de tota la planeta cerquèron l’identitat de la protagonista de la fòto. Lo primièr que la revelèt foguèt lo Daily Mail. Segon aquel jornal s’agís de Ieshia Evans, de vint e uèch ans, maire d’un enfant de cinc ans e infirmièra auxiliara a Nòva York. Ara Evans a demandat a sos amics e coneguts, via Facebook, que parlen pas d’ela als mèdias. “M’agradariá d'aver l’oportunitat de me representar a ieu meteissa”, çò ditz.
Lo fotograf, Jonathan Bachman de l’agéncia Reuters, expliquèt a The Atlantic que la polícia aviá ja detengut qualques manifestants. “Remarquèri que lo mond fasián fàcia a la polícia, virèri a drecha e cresi qu’ausiguèri aquela femna que disiá que la volián arrestar. E la vegèri ailà, drecha, al mièg de l’estrada”.
De mèdias de tota la planeta cerquèron l’identitat de la protagonista de la fòto. Lo primièr que la revelèt foguèt lo Daily Mail. Segon aquel jornal s’agís de Ieshia Evans, de vint e uèch ans, maire d’un enfant de cinc ans e infirmièra auxiliara a Nòva York. Ara Evans a demandat a sos amics e coneguts, via Facebook, que parlen pas d’ela als mèdias. “M’agradariá d'aver l’oportunitat de me representar a ieu meteissa”, çò ditz.
The story behind this @Reuters photo from #BatonRougehttps://t.co/CnK34BZnH7pic.twitter.com/tWnhTkuofr
— Reuters Top News (@Reuters) 11 de juliol de 2016
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo racisme policial induit per los governs racistes e lo kkk de qualcuns dels estats del Sud
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari