CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimars, 15 d'octòbre

Actualitats

Dimenge, 17 de julhet de 2016, 03h00 Societat,Reportatge,Politica,Internacional

Quand la cruseltat mai salvatja arriba pel telefòn mobil mai sofisticat

L’Estat Islamic sarra lo secutament sus las filhas iaziditas, las menan a l’interior del país e las vendon coma esclavas per Telegram o per Whatsapp


Comentaris 22 comentaris    
Marrit Flac Bon Plan bon Fabulós (4 vòtes)
carregant En cargar


Lo jornal catalan Vilaweb publica un reportatge sus las femnas iaziditas enlevadas per l’Estat Islamic. An parlat amb Nalin, una jove curda que fugiguèt los jihadistas, e qu’explica l'orror de veire sas companhas vendudas a travèrs del telefon mobil.


En agost del 2014, los jihadistas de l’Estat Islamic (EI) intrèron dins la region de las montanhas de Sinjar, al Curdistan iraquian. I capturèron mai de cinc mila femnas e menoras. Tre alavetz, mai de doas mila femnas iaziditas reüssiguèron de fugir. Mas tres mila demòran raubadas a las mans de l’EI, segon lo govèrn regional de Curdistan (KRG).
 
Nalin, a vint e cinc ans, es una de las paucas femnas que poguèron fugir, fa un pauc mai d’un an. Arribèt en Alemanha per la rota dels Balcans, acompanhada de qualques refugiats sirians. Sa familha es a Arbela, al Curdistan iraquian. E mai se se tròba dins un país segur, Nalin, coma la majoritat dels refugiats, es inquieta per lo mond que daissèt ailà: “Sabi pas quora poirai tornar veire la familha. Son pas protegits. En quin moment que siá, los jihadistas pòdon far d’atemptats contra los civils”.
 
La minoritat curda iazidita foguèt atacada per l’EI a causa de la religion que practican, una fe que combina d'elements de l’islam, del cristianisme e del zoroastrisme. Los jihadistas los acusan d'infedilitat. “Nos considèran coma de cresents del diable e del fuòc; per aquò nos asiran e nos vòlon cremar e tuar”, çò ditz.
 
En Alemanha, Nalin seguís un tractament psicologic perque a de cachavielhas. I coneis pas degun. Demòra amb d’autres refugiats sirians dins una escòla de Delmenhorst, a qualques quilomètres de Bremen. “O vivèm mal: dormissi gaireben pas. Me fa paur d’agachar las informacions, sabi pas çò qu'i trobarai: de decapitacions, mai de sequestracions… Pòdi pas tirar de mon cap las femnas vielhas que fugissián”, çò explica.
 
Pòt pas arrestar de pensar a las gojatas raubadas qu'an pas pogut fugir: “Qualques gojatas de ma familha son a las mans de l’EI. Sabèm pas se son en Iraq o en Siria, nimai se son vivas o mòrtas. Demest elas, i a una menora de setze ans. Las cruseltats que contan las femnas que poguèron escapar fan bolir lo sang. Aviái pas jamai pogut imaginar qu'aqueles mostres vendrián las nòstras filhas”.
 
 
Venda de filhas per telefon mobil
 
Fa gaire, Nalin legiguèt que l'Estat Islamic metiá a la venda una filha de dotze ans. L’anóncia disiá: “Verge. Bèla. De 12 ans. Parla pauc arabi. Es neta. Lo sieu prètz es de 12 500 dolars e serà venduda lèu”. Es una nòva qu'a publicada l’agéncia AP. Un activista de la comunautat iazidita, que se consagra a liberar las femnas raubadas pels jihadistas coma esclavas sexualas, desvelèt l’informacion.
 
Las fotografias obtengudas per AP mòstran de filhas maquilhadas, abilhadas amb de raubas primas, mentre qu’agachan la camèra amb un sorire forçat. Qualques unas son menoras e qualques unas o son pas, mas totas an mens de trenta ans. I a quaranta uèch fotografias de filhas raubadas per vendre.
 
Qualques expèrts del conflicte creson que del mai que l'Estat Islamic es expulsat de las vilas que controtlava, del mai creis la pression sus las filhas victimas de raubatòri. Se sarra lo secutament sus las iaziditas, las menan a l’interior del país e las vendon coma esclavas per Telegram o per Whatsapp.
 
Quand los iaziditas fugiguèron, la majoritat poguèron pas emportar res de lors ostals. Nalin remembra quora los ataquèron de matinada: “Fugiguèrem, mas malaürosament pas totes capitèrem ben. Passèrem cinc jorns en caminant amb una temperatura insuportabla. Fòrça enfants e vielhs moriguèron de set e de fam. Degun nos ajudèt pas ni nos protegiguèt”. La majoritat del pòble iazidita que demorava dins las montanhas de Sinjar a paucas ressorsas financièras e pòt pas crompar las filhas. Aquò fa qu’aquelas anóncias son encara mai dolorosas e umiliantas. E, a l'encòp, paradoxalament, las anóncias son lo sol biais qu'an per saber que las gojatas son vivas.
 
Cada jorn i a mens de possibilitats que las filhas iaziditas sián reimudas. Qualques familhas lor an raubadas tres filhas, o mai, e pòdon pas pagar la soma que demandan los jihadistas. Se calcula qu'abans la guèrra i aviá aperaquí 500 000 iaziditas, mas ara se sap pas quantas son.
 
Nalin, dempuèi sa solitud en Alemanha, s’espanta de pensar qu'a totas los orrors imaginadas, ara i calga apondre la cruseltat de veire cossí las filhas, sòrres e amigas son vendudas coma esclavas sus internet sens poder i far res: “Sabèm que las fòrçan a tot, mas nos podiam pas imaginar aquò. De còps avèm pas pro de mots per descriure tanta cruseltat e tanta injustícia”.



publicitat
BANER1-2-3: DGPL AN LAFONT



Comentaris

25 de julhet 10.44h

Bósnia, Iraq, Síria, Kosovo, Palestina, Congo, Somàlia, cuand s'acavarà tot això, no n'hi ha hagut prou, pèrquè el Mon mira sempre cap a un altre costat cuand passa quelcom se semblant?
Visca la Terra...Lliure !
L'Ernest,"El Tàrrega".


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

19 de julhet 20.16h

#20 Qu’existeishen totun certituds rasonablas qui s’apèan sus ua compreneson, com « la Tèrra qu’orbita au torn deu Só », o « devath ua pression atmosferica de 1013,25 hPa, l’aiga que boreish a 100° C ».
E tanben conviccions qui pòdem legitimaments portar au reng de certituds.
Atau :
- Ne pensi pas que las religions e siin a la cauç de la misoginia e deu masclisme, mes que pensi qu’ac encoratjan o qu’ac an encoratjat. Qu’ei ua opinion, pas un fèit; ua conviccion, pas... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

19 de julhet 12.01h

#19 Benlèu mas destrii ça que la conviccions de certituds que son doas causas diferentas, aital coma entre èsser convençut e èsser persuadit. L'un s'apièja sus una compreneson, l'autra sus una impression. Aprèp ne pòdi pas mai dire....


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

19 de julhet 11.42h

#16 Es evident que quan quauqu’un a ua maishanta idea, e la met en aplicacion, que n’ei responsable. L’idea n‘ei pas qu’ua idea. Tant i a qu’existeishen maishantas ideas.
Que compti los dògmas religiós com ua sèrva de maishantas ideas, e enqüèra un còp, n’impausi pas a digun aquesta opinion. M’acantoni a constatar que los arguments de hèn pas hrèita, tant capvath l’istòria com hens l’actualitat.
Mes se quauqu’un pensa, per rasons religiosas o politicas o autas, qu... Legir mai


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

19 de julhet 08.45h

#16
>A JP: Soi pas segur que las granhòtas passen son temps sus son "palisson" a agachar çò que se passa al dedins d'elas, se fasètz coma la granhòta, segur qu'acompliretz l'estat de granhòta, segur pas aquel d' "esvelhat". Me sembla un sofisme la metafòra vòstra.

La m'a estada contada per un monge zen dins lu zendo que frequentava avant ma radicalsaci' racionalista :-)
Mas perque sei ben 'lunhat de l'eideia que v'autres vos fasetz sus ma p'ita persona, vos prepare 'na suspresa sus mo... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

19 de julhet 06.53h

Las dictaturas per d’idèas laicas pòdon durar d’annadas mas se pòdon abausonar en qualques jorns coma o avèm vist al sègle XX. Las dictaturas teocraticas son per los sègles de sègles.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

18 de julhet 22.04h

#15 I a, çò sembla, d'amarum (amb la religion ? amb l'occitanisme ?) dins çò que vos mena a dire çò que disètz. Es la vòstra experiéncia, es respectabla segur, mas la cal totun pas prene per la vertat absoluda tanpauc, pòt tanben menar a escopir sus aqueles que pensan pas coma vos.
Las consideracions de Jig me donan a pauc prèp la meteissa impression mas me cal dire que las gents seguras d'elas, que t'afirman las causas, me fan totjorn un pauc paur, es la miá neuròsi. Es per aquò... Legir mai


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

18 de julhet 20.18h

#12

Non pas coma daus fachs culturaus, los prendriai coma un sitemi per « toschar » 1 untau, untau o untau. Se eu ò chusís, se eu garda la possibilitat de chamjar… per iò dire tot emb-d-un se eu demora liure, ai p’una rason de pas estre per.

Per eisemple, coma disciplina personala, sei un grand admirator dau Budhā, que prene coma l’un daus prumiers espsicanalistes.
Màs, emai fusguesse estat Dalida-Lamagagaïsat un temps 2, pode gaire creire a son bodisme 3 que comporta ‘na p... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

18 de julhet 18.49h

#13 En mei d’aquò, n’i a pas cap rapòrt entre un monde shens credenças e un monde on persecutan los credents. En un monde shens credenças, per definicion, i a pas nat credent a persecutar (e arrés ne pretenden que non trobarén pas d’autas rasons de’s massacrar).


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

18 de julhet 17.12h

#12 Antireligiós, qu’ei a puish pres aquò. E mei antidiu tendéncia Bakounine :)…
I a avut au sègle XXau un ensems de grans totalitarismes, tots hrairs o cosins, qui proclamèn l’ateïsme com oficiau e qui ensagèn de har desparéisher las religions. N’èra pas ua fin senon un mejan au demiei d'autes, considerant las religions com un empach màger a l’espelida umana. Lo prètzhèit qu’èra lo socialisme, pas l‘ateïsme per se, au contra de las teocracias qui an diu com fin e me... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2
-
3 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 11
  • sol Aush 11
  • sol Bordèu 12
  • sol Briançon 13
  • sol Caors 11
  • sol Carcassona 13
  • sol Clarmont-Ferrand 11
  • sol Confolent 13
  • sol Gap 13
  • sol La Canau 13
  • sol La Gàrdia 13
  • sol Limòtges 11
  • sol Lo Borg Sant Dalmatz 15
  • sol Lo Puèi de Velai 8
  • sol Marselha 18
  • sol Montpelhièr 15
  • sol Naut Aran 8
  • sol Niça 19
  • sol Nimes 16
  • sol Pau 12
  • sol Peireguers 11
  • sol Rodés 11
  • sol Tolon 12
  • sol Tolosa 11
  • sol Valença 15

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • © Laurenç Revèst

    Vista de Nimes, lengadociana per l'istòria, provençala per lo dialècte

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • 20u corsa Aran per sa Lengua. © Guillem Sevilla

    20u corsa Aran per sa Lengua

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • Val d'Aran, cap de Gasconha

  • © Franc Bardòu

    País Bordalés

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • © Magalí Barceló

    Santa Gabèla: quatrena fèsta del fogal rural La Gabèla

  • © Franc Bardòu

    Coserans al còr

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Laurenç Revèst

    Bessas (Bas Vivarés)

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Laurenç Revèst

    Ua comua de la valaia dai Palhons: L'Escarea, gents de cadea

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • © Franc Bardòu

    Tèrra albigesa

  • © Franc Bardòu

    Asuèlhs de Lauragués

  • © Magalí Barceló

    Santa Gabèla: quatrena fèsta del fogal rural La Gabèla

  • © Aure Séguier

    Carnaval Biarnés 2017

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)