Bandièra01 1180x150: Comuna de Tolosa

Actualitats

Turquia: còp militar contra Erdoǧan

L’Estat-Major de l’Armada assegura aver arrestat los dirigents del Govèrn turc

L’executiu turc es estat detengut per las forças de militars, segon un comunicat de l’Estat-Major de l’armada turca mandat als mèdias locales.
 
Dins aquel meteis comunict asseguran qu'après lo còp d’estat militar se contunharà de manténer las meteissas relacions internacionalas coma fins ara. D’un autre costat, lo president del país, Recep Tayyip Erdoğan, seriá pas estat capturat pels militars e se tròba sa e salve, segon de mèdias locals.
 
Aqueste divendres de ser, l’armada turca a impausat la lei marciala long de tot lo país, en desplegant de tancs sus las autoestradas d’accès a Istambol e a Ankara, sostenguts per per veïculs blindats, avions de combat e elicoptèrs de l’armada, en blocant los rets socials Facebook e Twitter.
 
Los mèdias locals dispausan de plan pauc d’informacions oficialas, mas los rets son plens de testimoniatges sus la preséncia d’avions militars F-16 e de divèrses elicoptèrs e sul blocatge de dos ponts dins l’estrech de Bosfòr a Istambol.

Los recents movements de marcha endarrièr d’ Erdoǧan a respècte de Russia e Israèl, e sa volontat de recomençar las relacions politicas amb Siria e Iraq, e tanplan lo sosten sens vergonha a l’Estat Islamic, son estats una evidenta demostracion de feblesa de la politica autoritària d’Erdoǧan. Caldrà veire quin poirà èsser lo resultat d’aquel possible còp d’estat e la responsa dels sectors mai laïcs de l’armada turca.
 
 
 
Aquesta nòva es adaptada de Geopolítica.cat amb qui Jornalet ten un acòrdi de cooperacion


Podètz seguir las informacions en dirècte suls mèdias seguents:
Bianet es lo principal jornal web turc, fòrtament partisan de la democracia e se mòstra favorable als curs. La redaccion es a Istambol.
— Al Jazeera Turk es l’estacion d’Al Jazeera a Istambol. Vidèo en dirècte.
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Köroğlu
1.

S’escadèssi lo cop que seré ua situacion de las complicadas tà l’OTAN e los USA, estant que la lei estatsunidenca enebeish en principi que tribalhin o hèsquin ahars dab un Estat on lo poder ei estat apoderat per la fòrça. Mes Turquia qu’ei (supausadament) un aliat màger contra Daesh, e en tot cap ua Turquia jos govèrn militar qu’a mei d'escadença de’n voler acabar dab l’islamisme a de bonas, que non pas la clica d’Erdoğan dab lo son doble jòc.
Com s’ac va virar l’Obama, que va estar çò d’insctructiu d’ac observar. E tanben quantas asoladas per òra e va poder desglarar lo Trump.
Vorrí pas estar l’estatjant de la Casa blanca anueit, parièr.

  • 0
  • 0

Escriu un comentari sus aqueste article