Bandièra01 1180x150: Comuna de Tolosa

Actualitats

Bòsnia avertís los jogaires de Pokémon Go de s'avisar dels camps de minas

Las minas an tuat 600 personas dempuèi la fin de la guèrra en 1995

| klix.ba
L’ONG bosniana, Posavina Bez Mina (Posavina sens minas), que se consagra al desminatge del país, a avertit los usatgièrs de Pokémon Go que fagan atencion, après aprene que qualques jogaires èran intrats dins de camps minats mentre que perseguissián de pokémons. Dempuèi la fin de la guèrra (1995), aqueles dispositius an tuat 600 personas. L’ONG crei que demòra encara aperaquí 120 000 minas per descobrir.
 
“Avèm recebut d’informacions que qualques usatgièrs de Pokémon Go en Bòsnia èran intrats dins de zònas amb risc de minas mentre que cercavan de pokémons […]. Demandam als ciutadans que respècten las senhalizacions e qu’eviten las zònas desconegudas”, çò a escrich Posavina Bez Mina dins son compte de Facebook.


 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article