Actualitats
Bavièra: explosion d’una valisa près d’un centre de refugiats
Qualques testimònis an explicat qu'avián vist un grop d'òmes que fugissián en tot córrer après daissar la valisa
Una valisa cargada de pulverizadors espetèt ièr a Zirndof (Bavièra), près d’un centre de refugiats, çò raportèt ièr la radiotelevision publica bavaresa BR. L’explosion se produguèt a aperaquí 200 mètres d’un centre d’aculhença de demandaires d’asil, e qualques testimònis expliquèron qu'avián vist de mond que partissián en tot córrer après daissar la valisa cremar al mièg de la carrièra.
Zirndorf es un vilatge pròche de Nurembèrg, a qualques 40 quilomètres d’Ansbach, ont dimenge passat un refugiat sirian moriguèt aparentament en un atemptat kamikaze. Lo refugiat auriá fach espetar un explosiu que portava amb el davant una fèsta en plen aire e feriguèt 15 personas.
Zirndorf es un vilatge pròche de Nurembèrg, a qualques 40 quilomètres d’Ansbach, ont dimenge passat un refugiat sirian moriguèt aparentament en un atemptat kamikaze. Lo refugiat auriá fach espetar un explosiu que portava amb el davant una fèsta en plen aire e feriguèt 15 personas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari