Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'AranIrissa

Val d’Aran: qu’an detengut a un conductor temerari que menaçave damb un rifle

S’agís d’un gojat de 23 ans de ciutadanitge francés, qu’arrefusèc de hèr eth tèst d’alcolemia

Agents des Mòssos d’Esquadra deth comissariat de Vielha (Val d’Aran), que detengueren ager dimenge a un gojat de 23 ans, de ciutadanitge francés, per menaces, conduccion temerària, possesson illicita d’armes e per arrefusar eth tèst d’alcolemia.
 
Eth detengut, que condusie temeràriaments ena estrada N-230, piquèc damb dus coches, hèc a frenar bruscaments dus camions, menacèc a un aute menaire damb un rifle, e hugic en tot circular damb ua arròda crebada. Après quaqui ensagi des quites coches e camions que circulaven pera N-230 entà arturar ath temerari, era polícia que lo localizèc ena entrada deth pòble de Benós.
 
Eth detengut que portave un rifle que non ère municionat, mès laguens deth veïcul que i avie tres cartochi deth sòn calibre. Que presentave ua fòrta alitòsi e herides leugères. Que siguec suenhat pes servicis sanitaris, mès qu’arrefusèc de hèr eth tèst d’alcolemia.
 
Après passar a disposicion deth jutjat de guàrdia de Vielha, eth jutge lo deishèc en libertat jos caucion.
 
 
 
 
FM
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Emmanuèl Isopet
7.

#6 Vertat
https://www.youtube.com/watch?v=l3qVFBqUt_c
https://www.youtube.com/watch?v=Geg_6Xoy04s
https://www.youtube.com/watch?v=TEUwQ1-J1wI
Francesc... tot se pot dire. Tot es pas vertat tant generala.

  • 0
  • 0
francesc palma de mallorca
6.

Los mossos son bonas personas, pas coma los cosos especials antidisturbis franceses, que pegan a los trebalhaires a las femnas, solament perque defensan los drets laborals.

  • 0
  • 0
Roger Barcelona
5.

#4 Rifle que jo sàpiga és un castellanisme, en català se'n diu fusell, però sí que és cert que algun cop he escoltat Rifle pronunciat com a "Rifla" però sempre l'he donat per castellanisme.

  • 0
  • 0
Emmanuèl Isopet
4.

#3 Un catalanisme? Perqué pas. Pensavi qu'èra un anglicisme. Cresi qu'en legadocian se ditz "carabina". Mas soi pas gaire especialista en armament. (Me demandi quant de poces rotges me costarà aquel messatge? En tot cas fa rire de monde.)

  • 10
  • 0
Pom Pom Pom Pidou Bedariu
3.

#2 "Rifle" es un catalanism. Perque pas ? Ai ren contra, mas en lengadocian se ditz "fusilh".

  • 7
  • 0

Escriu un comentari sus aqueste article