Actualitats
Lo Comitat Paralimpic Internacional enebís que Russia ane a Rio
La decision l’an presa “a l’unanimitat” e amb un “efièch immediat”. Russia qualifica la decision d’”inumana” e a anonciat que presentarà un recors contra lo TAS
Lo Comitat Paralimpic Internacional (CPI) a declarat qu’enebís a totes los esportius russes de participar als Jòcs Paralimpics de Rio de Janeiro, que se tendràn del 7 al 18 de setembre. La decision es estat presa a causa del dopatge sistematic, e pairinat per l’estat rus, dels esportius.
Lo Comitat Paralimpic Rus es estat sancionat perque son estadas publicadas las conclusions del rapòrt McLaren, comandat per l’Agéncia Mondiala Antidopatge (AMA). Lo rapòrt a revelat qu’un laboratòri de Moscòu, supervisat pel Ministèri dels Espòrts rus, manipulèt los resultats de las analisis dels esportius e bastiguèt un malhum generalizat de dopatge pendent los Jòcs Olimpics d’Ivèrn de Sochi 2014.
Lo president del CPI, Philip Craven, a soslinhat que la decision es estada presa “a l’unanimitat” e amb un ”efièch immediat”, e mai se Russia aviá anonciat que pausariá un recors. “Nos cal assegurar l’egalitat dins la competicion, es un afar vital per la cresabilitat de l’espòrt”, çò precisèt.
Una enebicion “inumana”
La pòrtavotz del Ministèri dels Afars Estrangièrs rus, Maria Zakharova, a jutjat “inumana” l’enebicion del CPI de participar als Jòcs Paralimpics de Rio. “La decision d’escartar tota la seleccion russa dels Jòcs Paralimpics impressiona per sa bassesa e son caractèr inuman. Traís las nautas nòrmas dels dreches umans que son la basa del Mond contemporanèu”, çò diguèt.
Lo Comitat Paralimpic Rus es estat sancionat perque son estadas publicadas las conclusions del rapòrt McLaren, comandat per l’Agéncia Mondiala Antidopatge (AMA). Lo rapòrt a revelat qu’un laboratòri de Moscòu, supervisat pel Ministèri dels Espòrts rus, manipulèt los resultats de las analisis dels esportius e bastiguèt un malhum generalizat de dopatge pendent los Jòcs Olimpics d’Ivèrn de Sochi 2014.
Lo president del CPI, Philip Craven, a soslinhat que la decision es estada presa “a l’unanimitat” e amb un ”efièch immediat”, e mai se Russia aviá anonciat que pausariá un recors. “Nos cal assegurar l’egalitat dins la competicion, es un afar vital per la cresabilitat de l’espòrt”, çò precisèt.
Una enebicion “inumana”
La pòrtavotz del Ministèri dels Afars Estrangièrs rus, Maria Zakharova, a jutjat “inumana” l’enebicion del CPI de participar als Jòcs Paralimpics de Rio. “La decision d’escartar tota la seleccion russa dels Jòcs Paralimpics impressiona per sa bassesa e son caractèr inuman. Traís las nautas nòrmas dels dreches umans que son la basa del Mond contemporanèu”, çò diguèt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La mafia esportiva del comité olimpic internacional, de l'Imperi. Ont se fica l'Imperi ho fot tot, coma lo caval de Troia, o d'Atila.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari