Bandièra01 1180x150: Comuna de Tolosa

Actualitats

Las favelas de Rio de Janeiro apareisson pel primièr còp sus Google Maps

La majoritat de las favelas son pas sus cap de mapa, e per tant 1,4 milion de personas an pas d'adreiça per obténer un emplec o aver un compte bancari

| Afroreggae
E mai s’an una marrida reputacion, las favelas son enfin presentas sus las mapas de Google Maps. Las informacions qu’arriban cada jorn dins los mèdias restacadas a las violéncias, a las fusilhadas, a las agressions sexualas... an eclipsat la vida vidanta d’aqueles quartièrs que, fins ara, èran pas sus cap de mapa.
 
L’ONG Grupo Cultural AfroReggae lancèt amb Google lo projècte nomenat “Tá no Mapa” (Es sus la mapa) per mapar las favelas. Dos ans après lo lançament, se pòt passejar per las carrièras de las favelas gràcias a la collaboracion de las gents e a mai de 10 000 entrepresas localas, dont restaurants, cafès e centres de léser.
 
“Lo projècte es menat a bon tèrme per que sián vesidors de desenats de locals, esconduts als uèlhs dels toristas, perque un resident de Rio sus cinc viu dins de favelas, mas solament un 0,001% d’aquelas favelas apareisson sus una mapa. Aquò significa qu’1,4 milion de personas an pas d'adreiça per obténer un emplec o aver un compte bancari”, çò precisa Google dins son blòg.


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article