CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimenge, 20 d'octòbre

Actualitats

Divendres, 12 d'agost de 2016, 03h00 Politica,Internacional

Turquia càmbia las capitalas de doas províncias curdas e ne rebateja la toponimia

Lo govèrn turc justifica la mesura en disent que las nòvas capitalas son de vilas de melhor defendre. Los curds denóncian una “negacion de las identitats”


Comentaris 10 comentaris    
Marrit Flac Bon Plan bon Fabulós (3 vòtes)
carregant En cargar


Lo Parlament de Turquia a aprovat una proposicion del govèrn de cambiar las capitalas de doas províncias de majoritat curda, e tanben de rebatejar la toponimia.
 
D’un costat, la província Parêzgeha Hekarî‎ (en turc Hakkâri), que la capitala n'es precisament Hekarî (en turc Hakkâri), serà renomenada província de Yüksekova, e la capitala ne serà justament la vila de Gever, qu’en turc s'apèla Yüksekova. La vila de Hekarî serà oficialament rebatejada amb lo nom de Çölemerik, qu’es una alteracion en turc de l’ancian nom curd de la vila: Colemêrg. De l’autre, la província de Şirnex (en turc Şırnak), aurà per nòva capitala Cizîr (en turc Cizre), e la província serà rebatejada oficialament amb lo nom turc de la nòva capitala.
 
Lo govèrn turc justifica la mesura en disent que las nòvas capitalas son de vilas de melhor aisidas defendre, car las vilas descapitalizadas son situadas dins de regions montanhosas mai acantonadas. Del costat curd, se denóncia una volontat de “negacion de las identitats”.
 
 
La guèrra calada contra los curds
 
Los curds son la minoritat nacionala mai importanta de Turquia e son la populacion majoritària dins las províncias concernidas. Son estats fòrtament reprimits pels successius govèrns turcs qu’an negat lor existéncia, en arribant a enebir quitament lo mot que los definís. La guerrilha comunista curda del PKK a mantengut pendent qualques decennis la lucha armada contra los turcs, en se refugiant dins las montanhas de Qandil entre Turquia e Iraq, ont installèt de camps inexpugnables, quitament abans que se creèsse l’autonomia curda d’Iraq.
 
Los darrièrs ans la tension s’èra aleugierida. Las autoritats turcas avián dobèrt un pauc la man, en permetent una timida preséncia de la lenga curda e en acceptant la preséncia de partits politics curds. En contrapartida lo PKK aviá anonciat una trèva e lo sieu cap, Abdullah Öcalan, presonièr en Turquia, aviá entamenat de convèrsas per normalizar la situacion. Mas las atacas de l’armada turca dins la darrièra setmana de julhet an butat lo PKK a trencar la trèva amb plusors atemptats qu’an causat la mòrt de dos policièrs turcs.
 
La responsa del govèrn turc es desproporcionada. Lo govèrn acusa regularament lo PKK dels atemptats terroristas de l’Estat Islamic e, per tant, l’aviacion militara turca efectua de multiplas atacas contra los curds, tant dins l’estat turc coma dins los estats sirian o iraquian.
 
Dins aquel sens, l’armada turca a atacat e destruch de vilas, coma Cizîr o Nusaybin dins çò que lo govèrn sona d’operacions “antiterroristas”. Segon las organizacions de dreches umans, la majoritat dels mòrts son de civils desarmats.
 
 


De legir: La guèrra silenciada: l’atac turc contra los curds en cinc mapas



publicitat
BANER1-2-3: DGPL AN LAFONT



Comentaris

14 d'agost 11.36h

#2 Sembla qu'avètz doblidada l'annada 93 e los masèls de man dels Erdogans de l'epòca! (1793, solide!)


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

12 d'agost 23.11h

Lo colhonera d'Erdogan fent sos desbarats, a veire quin serà lo desbarat que farà mai gros. Prest caurà.


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

12 d'agost 22.46h

#2 occitans, pòble a la memòria corta...


Valoriza aqueste comentari:   votar positiu 4   votar negatiu 2
Respondre comentari replica Comentari inadeqüat   Formulari d'abús de comentari

12 d'agost 22.11h

#5
Mercés l'òme. Tu tanben, coma a ton abituda


Valoriza aqueste comentari:   votar positiu 6   votar negatiu 6
Respondre comentari replica Comentari inadeqüat   Formulari d'abús de comentari

12 d'agost 21.40h

L'estat francés a pas besonh de far uèi çò. Tristament los occitans an vengut una minoritat en Occitània. Ça que la los dos estats: francès e turc son d'emperis.


Valoriza aqueste comentari:   votar positiu 16   votar negatiu 0
Respondre comentari replica Comentari inadeqüat   Formulari d'abús de comentari

12 d'agost 20.45h

Ahah antilausisme ! Siás geniau !!


Valoriza aqueste comentari:   votar positiu 4   votar negatiu 9
Respondre comentari replica Comentari inadeqüat   Formulari d'abús de comentari

12 d'agost 20.33h

#2
Ai pas "comparat" la "situacion" occitana amb la "situacion" curda. Ai simplament remarcat que sus aqueste punt precís l'estat francés es pas mai intelligent que l'estat turc.
S'i volètz veire une comparason e una indecéncia metrai aquò sul compte d'un antilausisme sens gravetat.
Soi autant capable que d'autres de comprene e d'èsser entrestit per la situacion tragica en Turquia sens aver besonh d'una leiçon de sembla-moralitat


Valoriza aqueste comentari:   votar positiu 18   votar negatiu 5
Respondre comentari replica Comentari inadeqüat   Formulari d'abús de comentari

12 d'agost 20.16h

La rason es en lo costat curd. L'estat turc es marrit. Solidaritat amb lo pòble curd en sa lucha contra lo EIIS e lo govèrn turc.


Valoriza aqueste comentari:   votar positiu 10   votar negatiu 1
Respondre comentari replica Comentari inadeqüat   Formulari d'abús de comentari

12 d'agost 18.38h

La nòva capitala es Cizre, e pas Cirze.
Per la comparason entre la situacion curda ambe la situacion occitana, es un pauc indecent estent çò qu'es en trin de si passar ailà ...


Valoriza aqueste comentari:   votar positiu 1   votar negatiu 8
Respondre comentari replica Comentari inadeqüat   Formulari d'abús de comentari

12 d'agost 15.06h

Finalament l'estat turc fa a Kurdistan çò que l'estat francés ja a fait a Occitània: nos meton de noms franceses e càmbian las frontièras regionalas e las capitalas regionalas sens nos demandar çò que ne pensam


Valoriza aqueste comentari:   votar positiu 22   votar negatiu 6
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Tresmudar un problèma politic en un problèma d’òrdre public

Dempuèi longtemps l’estat espanhòl refusa de resòlver politicament lo problèma politic que ten en Catalonha. Ara, après l’enòrma indignacion ciutadana ...
giny

Lo temps

Mapa
  • sol Agen 18
  • sol Aush 18
  • sol Bordèu 16
  • sol Briançon 16
  • sol Caors 17
  • sol Carcassona 20
  • sol Clarmont-Ferrand 16
  • sol Confolent 18
  • sol Gap 17
  • sol La Canau 15
  • sol La Gàrdia 27
  • sol Limòtges 15
  • sol Lo Borg Sant Dalmatz 16
  • sol Lo Puèi de Velai 15
  • sol Marselha 23
  • sol Montpelhièr 22
  • sol Naut Aran 14
  • sol Niça 20
  • sol Nimes 23
  • sol Pau 17
  • sol Peireguers 17
  • sol Rodés 18
  • sol Tolon 14
  • sol Tolosa 18
  • sol Valença 24

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Coserans: Sent Líser, Casavèth, Sent Guironç, Saurat...

  • © Laurenç Revèst

    Mónegue

  • Lo grand passacarrièra de Rodés. Occitan Pride 2013

  • Valadas. © Xavi Gutiérrez Riu

    Valadas

  • © Conselh Generau d'Aran

    Lo Torn de França 2016 en Aran

  • Uvernada Lou Dalfin 2012. ©  Cristòl Daurore

    Uvernada Lou Dalfin 2012

  • © Aure Séguier

    Carnaval Biarnés 2017

  • © Zep Armentano

    XI prèmis Gaudí de l'Acadèmia Catalana del Cinèma

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • Uvernada Lou Dalfin 2012. ©  Cristòl Daurore

    Uvernada Lou Dalfin 2012

  • © Laurenç Revèst

    Cavairac (Costièra de Nimes)

  • © Laurenç Revèst

    Ua comua de la valaia dai Palhons: L'Escarea, gents de cadea

  • © Laurenç Revèst

    Via de Buelh a Pèunas a Valberg fins a Sant Laugier

  • © Franc Bardòu

    Darrièr refugi abans l’envòl (1206-2016)

  • País de Rasés. © Franc Bardòu

    País de Rasés

  • País de Rasés. © Franc Bardòu

    País de Rasés

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Que pensas de las senténcias de 9 a 13 ans de preson contra los nòu nauts representants independentistas catalanas?


3%



5%



92%



0%




Vots 38 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)