CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimenge, 20 d'octòbre

Actualitats

Dijòus, 11 d'agost de 2016, 03h00 Societat,Politica,Internacional

Las Filipinas en guèrra contra la dròga

Al mes d'agost solament, la polícia a tuat mai de 400 suspèctes e n’a arrestat mai de 600 000


Comentaris 3 comentaris    
Marrit Flac Bon Plan bon Fabulós (5 vòtes)
carregant En cargar


Las alarmas internacionalas an començat de s'aviar pr’amor que, dempuèi l’eleccion de Rodrigo Duterte ongan coma nòu president de las Filipinas, i a agut ja mai d’800 mòrts dins la lucha qu’aquel nòu govèrn filipin a entamenada contra la dròga. E ara a concedit un brèu relambi a una tièra de 150 foncionaris per que confèssen; si que non, seràn perseguits coma trafegants de dròga.
 
Mentretant, a espelit una peticion de divèrses grops de dreches umans que li an demandat de menar un procès just contra los trafegants e los vendeires de dròga. Mas Duterte a respondut en tot prene una fòto d’un trafegant de dròga tuat per de seguidors sieus. La foto ja es lo nòu simbòl de la campanha contra la dròga de Duterte.
 
“Ai ordenat de far la lista e l’ai validada ieu meteis”, çò diguèt Duterte dins de declaracions a la television nacionala filipina fa qualques jorns. “Ieu soi lo sol que l’ai legida e tanben ne soi lo sol responsable”, ço precisèt.
 
Après aquelas declaracions Duterte apondèt qu’el solament voliá respondre a las demandas del pòble filipin qu'aviá votat per el. Sus la lista i a de politicians locals, d’oficièrs de polícia e d’autres que perdràn lor emplec e qu'auràn pas pus drech de portar d’armas.
 
“Poiràn pas mai portar d’armas”, çò soslinhèt Duterte. “Los jutges se poiràn plànher a la Còrt Suprèma, los policièrs al Cap de la Polícia e los soldats al Cap de l’Armada, mas la decision es ferma. E se liuran pas las armas en 24 oras, ordenarai a l’armada filipina de los perseguir”.
 
Amb aqueles mots fòrça durs Duterte volguèt respondre a las demandas popularas, que prèsan aquela campanha contra la dròga que causa tant de mòrts, e tanben a las denóncias internacionalas. Espèra sonque la confession d’aqueles foncionaris per que se tenga un jutjament legal.
 
 
Una campanha illegala
 
Duterte a confirmat en plusors escasenças que los procèsses judiciaris legals an pas res a veire amb el. “I aurà pas de procèsses ni d’avocats”, çò diguèt. La sola causa importanta per Duterte a l’ora d’ara es la reconeissença del pòble filipin qu'a votat per el. Tota la rèsta es pas brica importanta. E tocant las criticas dels autres politicians, diguèt tanben que se’n trufava.
 
Tot aquò a respècte de la pandemia que, segon Duterte, patisson las Filipinas amb la dròga. Segon de donadas de l’Agéncia Contra la Dròga filipina, se crei qu’un 3% de la populacion consuma de dròga e qu’aperaquí lo 92% dels vilatges de l’airal metropolitan filipin “ne son estats contaminats”. Tot aquò amassariá una chifra totala de mai de 600 000 personas, segon çò que rapòrtan las agéncias occidentalas d’informacions, que vendon e que crompan de dròga a las Filipinas.
 
Lo president filipin, quand èra fa qualques annadas lo cònsol màger de la vila de Davao, aviá ordenat a aquela epòca als policièrs d’agir lèu e de tirar per tuar los suspèctes de trafec de dròga. “Ieu meteis diguèri als policièrs de s’inquietar pas après aver tuat un trafegant. Aquò deu èsser pas cap de problèma pels policièrs. Una campanha illegala? Es pas vertat. Es justa e morala”, çò diguèt Duterte, "Aquò es pas e a pas d’èsser brica un problèma pels policièrs.”
 
Pendent lo sol mes d’agost son estats tuats mai de 400 suspèctes de trafec de dròga per la polícia o per las milícias privadas. E mai de 600 000 personas son estadas arrestadas. Tanben lo president del Senat filipin a demandat mai de garentias dins aquela sòrta de procèsses e pas tanta violéncia. Mas per ara Duterte escota pas.
 
 
 
 
Christian Andreu
 



publicitat
BANER1-2-3: DGPL TRADUCTOR



Comentaris

11 d'agost 21.58h

Lo bestia de Duterte, sense voler ofendre a las bestias, se vol far las causas ben, lo que ha de far és que la policia complesca la lei e pas tuar a las personas sospitosas.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

11 d'agost 20.06h

Dutartre e la pena capitala :
http://www.lemonde.fr/asie-pacifique/article/2016/05/16/philippines_4920067_3216.html


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

11 d'agost 05.14h

Lo novèl president filipin es un falord. http://www.clarin.com/mundo/presidente-Filipinas-homosexual-embajador-EEUU_0_1629437061.html


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Tresmudar un problèma politic en un problèma d’òrdre public

Dempuèi longtemps l’estat espanhòl refusa de resòlver politicament lo problèma politic que ten en Catalonha. Ara, après l’enòrma indignacion ciutadana ...
giny

Lo temps

Mapa
  • sol Agen 14
  • sol Aush 15
  • sol Bordèu 14
  • sol Briançon 12
  • sol Caors 13
  • sol Carcassona 17
  • sol Clarmont-Ferrand 11
  • sol Confolent 16
  • sol Gap 9
  • sol La Canau 14
  • sol La Gàrdia 14
  • sol Limòtges 12
  • sol Lo Borg Sant Dalmatz 14
  • sol Lo Puèi de Velai 17
  • sol Marselha 20
  • sol Montpelhièr 20
  • sol Naut Aran 16
  • sol Niça 18
  • sol Nimes 20
  • sol Pau 15
  • sol Peireguers 13
  • sol Rodés 15
  • sol Tolon 13
  • sol Tolosa 16
  • sol Valença 15

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • © Franc Bardòu

    Asuèlhs de Lauragués

  • Avinhon. © Theò Bajon

    L'occitan per carrièras

  • © Franc Bardòu

    Asuèlhs de Lauragués

  • © Franc Bardòu

    Catalonha etèrna

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Miquèu Barís

    Los calandrons d'Auloron qu'an visitat Baiona

  • Era còlha dera ADÒC ath trabalh

  • 20u corsa Aran per sa Lengua. © Guillem Sevilla

    20u corsa Aran per sa Lengua

  • Ostals, chasals e granjas dals vilars en Tiniá auta. © Laurenç Revèst

    Ostals, chasals e granjas dals vilars en Tiniá auta

  • © Laurenç Revèst

    Fòrt Maginòt de Sant Anhe

  • Lo grand passacarrièra de Rodés. Occitan Pride 2013

  • Segnaletica parcialament en occitan niçard perdua al mitan de la ciutat (fòra vila vielha amb segnaletica istorica), quartier de la Madalena. © Laurenç Revèst

    L'occitan per carrièras

  • Zep Armentano

    25au Corsa Aran per sa Lengua

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • © Hug de la Rosa

    Era vila de Les (Aran) a hestejat era declaracion de patrimòni dera umanitat des hèstes deth huec

  • Gavotina marítima: trofèu d'August e vila vielha d'A Torbia

  • Per camins sus a comuna de Pelha, marcai d'occitan en toponimia e vista sus a Baia dals àngels (Aquer d'Ongran)

  • Lo vilatge de Lopian (Lengadòc) - senhalizacion sens vergonha. © Mathias Gilbert

    L'occitan per carrièras (concors de prima 2014)

  • © Franc Bardòu

    Asuèlhs de Lauragués

  • © Franc Bardòu

    Coserans al còr

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Que pensas de las senténcias de 9 a 13 ans de preson contra los nòu nauts representants independentistas catalanas?


0%



0%



100%



0%




Vots 1 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)