Actualitats
Cuba: Fidel Castro a festejat son 90n anniversari
Dimenge passat participèt a una fèsta d’omenatge dins lo teatre Karl Marx de l’Avana
L’èx-president cuban Fidel Castro reapareguèt en public dimenge passat de matin a l'escasença de son 90n anniversari. Castro participèt a una fèsta d’omenatge dins lo teatre Karl Marx de l’Avana acompanhat del sieu fraire e actual president, Raúl Castro, e del president veneçolan, Nicolás Maduro, segon çò que raportèt Granma.
Durant l’eveniment se projectèt de fragments del filme documentari Mi hermano Fidel (Mon fraire Fidel) del realizaire cuban Santiago Álvarez e comptèt amb la participacion de la cantaira Omara Portuondo e de l’istorian Eusebio Leal Spengler, dins un acte plen de remembres istorics basat mai que mai sus la Revolucion Cubana. D’ancians actors màgers d’aquela revolucion participèron a l’eveniment.
A la fin de l’espectacle, cessavan pas los crits de jòia que disián “Viva Fidel! Viva Cuba!” ni las mòstras d’afeccion devèrs l’èx-president.
Abans, Fidel Castro aviá mercejat las felicitacions e l’afeccion recebudas pel sieu 90n anniversari e s'èra revendicat coma l’artesan de la Revolucion Cubana davant la “confusion” dels partits de massas.
“Desiri exprimir mon mercejament mai prigond per las mòstras de respècte, las saludacions e los presents qu’ai recebuts dins aquestes jorns, que me donan de vam per far çò parièr a travèrs de las idèas que transmetrai als militants del nòstre partit e als organismes pertocats”, çò escriguèt Castro dins un article.
Durant l’eveniment se projectèt de fragments del filme documentari Mi hermano Fidel (Mon fraire Fidel) del realizaire cuban Santiago Álvarez e comptèt amb la participacion de la cantaira Omara Portuondo e de l’istorian Eusebio Leal Spengler, dins un acte plen de remembres istorics basat mai que mai sus la Revolucion Cubana. D’ancians actors màgers d’aquela revolucion participèron a l’eveniment.
A la fin de l’espectacle, cessavan pas los crits de jòia que disián “Viva Fidel! Viva Cuba!” ni las mòstras d’afeccion devèrs l’èx-president.
Abans, Fidel Castro aviá mercejat las felicitacions e l’afeccion recebudas pel sieu 90n anniversari e s'èra revendicat coma l’artesan de la Revolucion Cubana davant la “confusion” dels partits de massas.
“Desiri exprimir mon mercejament mai prigond per las mòstras de respècte, las saludacions e los presents qu’ai recebuts dins aquestes jorns, que me donan de vam per far çò parièr a travèrs de las idèas que transmetrai als militants del nòstre partit e als organismes pertocats”, çò escriguèt Castro dins un article.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Uèi es paura e patís Cuba ? Mas quina es la part de l'embargo qu'an impausat los USA dins aquesta dificultat ?
Un papeta repapiaire, aquò es. Acabèt lo tabalh començat per Martí e d’autres en 1898, que la guerra de liberación captèt pas coma caliá e lo colonialisme espanhòl foguèt remplaçat pel ianqui. Mas a dich de s’arrapar al poder e d’amolonar las cagadas n’es arribat a far virar la situación e uèi lo cubanet vei la botelha de soda negre coma lo nec plus ultra del bonur.
#1 un gran assassí!!deixa en vergonya pinochet i videla. cuba avuí es un dels paisos mes atrasats que existeixem vá finançar moviments terroristes en africa i sud-america(potser per la pau mundial?)lloar aquest senyor té l´equivalencia moral de lloar hittler o mussolini pero l´esquerra llatino-americana en son sectarisme ho fa.
Una gran persona que ha fait una feina grandiosa per son país e la patz mondiala.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari