Bandièra01 capçalera  1180x150: Novestivada

Actualitats

Vilamòs: reüssida dera prumèra edicion deth Torneg de Tènis de Taula

Consacrat ara memòria d’Anita Castet, er eveniment esportiu qu’a amassat un seishanteat de participaires

Era prumèra edicion deth Torneg de Tènis de Taula de Vilamòs (Val d’Aran) qu’ei estada ua reüssida grana. Era espròva esportiua se debanèc deth 13 ath 15 d’agost passadi e compdèc damb ua participacion arremercabla: aperaquí 60 inscriti dont ua preséncia considerabla de jogaires deth Club de Tènis de Taula de Lhèida (Catalonha).
 
Dissabte 13 d’agost que siguec eth torn des categories infantiles, deth temps que dimenge 14 e deluns 15 se debanauen es eliminatòries des autes categories, segon çò qu’arrepòrte Aran Nau.
 
Es ganhaires dera categoria infantila que sigueren:
 
1. Juan Barma de Pont d’Arròs
2. Fran Riu de Vielha
3. Guilhèm Sèrra de Bossòst
4. Eduardo Varela de Gausac
 
Es ganhaires dera categoria adulti que sigueren:
 
1. Andrè González de Lhèida
2. Alex Martin de Les
3. Alvar Ordoñez de Vielha
4. José Antonio Cobos de Vilamòs
 

Er eveniment que siguec organizat pera casa Lúcia de Vilamòs, pairinat per Ajuntament, Agrupació Mútua e Tallers i grues Ferma, e compdèt damb eth sosten e era collaboracion d’un vinteat d’enterpreses e d’associacions dont tanben de Jornalet. Se debanèc en encastre dera Hèsta Major de Vilamòs e se consacrèc ara memòria d’Anita Castet de casa Lúcia que moric est’an passat.
 
Aran TV qu’emetec un arreportatge der eveniment.

 

 
 
 
 
FM
 
 
 
fffff  fffff
 Casa Lúcia qu’a hestejat eth sòn 334 anniversari
 
Era casa Lúcia de Vilamòs, organizaira deth torneg, qu’a hestejat aguest mes d’agost es sòns 334 ans damb ua amassada familhau.
 
Eth 30 d’agost de 1682 se maridèren André Monge e Lúcia Pedarròs. Era familha dera nòvia que donèc aquera casa coma dòt, que ten tostemp eth nom de casa Lúcia. Long dera istòria se son passades 14 generacions qu’an anat cambiant en nom dera familha de Monge, Pedarròs e Morell enquia Castet qu’ei eth nom actuau.
 
Era familha Castet qu'arrecuperèc tota era istòria d'aquera casa gràcies as documents trapadi en humarau laguens ua mala. Aqueri documents los deposèren en Archiu Generau d'Aran.
 
Est’an passat, en escadença deth 333u anniversari, era emission occitanofòna de Barcelona TV que n’emetèc un arreportatge.
 

 
 
 
 
FM
  
    
  
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma de mallorca
1.

Un plat molt bon de far per aquestas festas populars d'estiu es, far una pamboliada popular, un pan amb oli coma deim a Mallorca, pa amb tomaquet a Catalunya, e pan colçat o pan banhat a Occitania e Provença. Solament cal posar taulas per s'assetar, e ven una gentada. Amb un pauquet de vin o beguda no alcoolica segons los gusts. Un grupet que soni musica tranquil·la e a manjar, nham, nham.

  • 0
  • 0

Escriu un comentari sus aqueste article