Aguèt luòc, aqueste  dimenge 28 d’agost, la 20a edicion de la Corsa e Caminada des 15 Pòbles (dels 15 vilatges), organizada per Volontaris d’Aran amb lo sosten del Conselh General d’Aran e la participacion de 500 personas. Dins sos dos decennis, la corsa s’es assolidada coma una activitat esportiva que sa tòca es de recuperar los ancians camins e vias de comunicacion dels vilatges del país.
 
“Era Corsa des 15 pòbles poténcie eth senderisme ena Val d’Aran, atau coma permet de gaudir d’ua rota de trekking combinada damb era visita pes pòbles d’Aran e, a causa dera sua nauta participacion, hè difusion dera Val d’Aran e ath delà collabòre ena dessasonalizacion deth torisme”, çò disiá la conselhièra del torisme aranesa, Anna Díaz, en tot precisar qu’“era sua nauta participacion hè difusion dera Val e ath delà collabòre ena diuersitat deth torisme”. De son costat, lo president de Volontaris d’Aran, Roberto Boya, considerava que la corsa “ei fòrça importanta entara Val d’Aran tant ath nivèu esportiu coma toristic e patrimoniau”.
 
La convencion que la signan cada an lo Govèrn d’Aran e l’associacion Volontaris d’Aran, en mai de l’ajuda economica, inclutz l’engatjament de l’organizacion de far de publicitat toristica del país e que la lenga oficiala de l’eveniment siá l’occitan.
 
L’espròva prepausa de caminar o de córrer sus de circuits de quatre distàncias: 21 Km, 15 Km, 5 Km e 11 Km. La darrièra distància es la novetat qu’an prepausat ongan.
 

 

 

fffff		fffff
	Los ganhants d’ongan son estats:     Corsa de 21,5 Km. 1300m de pojada e 1200 de davalada. 3 pojadas fòrtas   Categoria masculina — 1r Jordi Garcia Ruiz — 2d Carles Martin Ramirez — 3n Javier Mora Aranda   Categoria femenina — 1a Sílvia Puigarnau Coma — 2a Sara Díaz Martin — 3a Monica Olivan de la Iglesia     Corsa de 21 Km. Especiala mens de 20 ans   — 1r Carles Gregori Ruiz — 2d Fran Nart Castet — 3n Carlos Marin Navarro     Corsa Veterans mai de 45 ans   Categoria masculina: — 1r Carles Martin Ramirez — 2d David Julia Navarro — 3n Alejandro Alfageme Carrera   Categoria femenina: — 1a Jackie Pedrola B. — 2a Chantal Darroux — 3a Lou Muntanyola Vargas     Trofèu Arturo Riba – Corsa 11,2 Km. Desnivèl comolat positiu 520 m. 2 pojadas fòrtas.   Categoria masculina: — 1r Paco Ariza Quintana — 2d Jordi Bayer Alsina — 3n Juan Cau Mora   Categoria femenina: — 1a Cristina Vilar Diaz — 2a Alexia Estany Lucas — 3a Àngels Rovira Gibert     Trofèu Roland Giné Corsa Juvenila. 5,2 Km. Corsa pels nascuts a partir de l’an 2000   Categoria Masculina: — 1r Jordi Bernat Cristofol — 2d Eric Fernández Caubet — 3n Jonatan Oreiro Ruiz   Categoria femenina: — 1a Naia Gonzalez Tubau — 2a Victoria López Sambeat — 3a Aran Bonillo Puebla