Actualitats
De milièrs de naufragièrs davant las còstas de Libia
Dins las darrièras 24 oras an sauvat mai de 6500 personas, segon la gàrdia costièra italiana
Divèrses vaissèls de la Marina Italiana poguèron salvar de milièrs de naufragièrs que i aviá davant la còsta libiana dempuèi la setmana passada. Èran, e son, de personas que vòlon fugir la fam, la guèrra e la pauretat, ansin coma los trafegants d’èssers umans. Mas los batèls qu’avián causits èran pas pro bons.
Las operacions an agut luòc a solament 21 quilomètres al nòrd de la vila libiana de Sabratha. Qualques grops per la defensa dels dreches coma Proactiva Open Arms e tanben Mètges sens Frontièras an pogut aital salvar mai de 6500 personas que viatjavan dins un vintenat de petitas embarcacions de fusta.
Los emigrants èran, majoritàriament, d’Eritrèa e tanben de Somalia, que faguèron d’aclamacions d’òsca en vesent l’arribada dels vaissèls militars italians. En mai d'aquò, qualques unes sautèron dins la mar e nadèron dirèctament fins als batèls europèus. Totun, pas totes, pr’amor que d’autres avián paur e esperèron l’arribada de la Marina Italiana per èsser salvats. Demest los naufragièrs i aviá qualques centenats d’enfants. Cada an un fum d’enfants assajan de traversar la Mediterranèa per fugir l’orror. Coma eles, de milièrs d’africans e tanben de sirians e d’afgans cèrcan una vida melhora que la que daissan endarrièr.
Un país en caos total
Dempuèi la casuda de Libia dins lo caos e la manca de contraròtle de las frontièras del país, la rota maritima es de mai en mai utilizada pels emigrants. Lo dictator Muammar Al Qadhdhafi foguèt tuat en 2011 e tre alavetz l’estat es vengut un país sens lei e amb de centenats de milícias que luchan contra l’autoproclamat Estat Islamic o vòlon impausar lor influéncia.
En junhet d’ongan, l’Union Europèa espandiguèt encara mai l’airal d’operacions del contraròtle migratòri e d’alavetz ençà las fòrças navalas italianas, e tanben las libianas, ensajan d’arrestar las barcassas que menan d’emigrants que vòlon traversar la mar nòstra. E mai dins de condicions tròp sovent abusivas.
Seràn menats dins de centres de detencion en Libia
Los grops de defensa dels dreches europèus e diverses expèrts an avertit que totes aqueles migrants seràn menats dins 20 centres de detencion oficials de Libia. D’autres, los qu’auràn encara mens astre, seràn mandats dins de centres de detencion contrarotlats per las màfias o los grops criminals.
Christian Andreu
Las operacions an agut luòc a solament 21 quilomètres al nòrd de la vila libiana de Sabratha. Qualques grops per la defensa dels dreches coma Proactiva Open Arms e tanben Mètges sens Frontièras an pogut aital salvar mai de 6500 personas que viatjavan dins un vintenat de petitas embarcacions de fusta.
Los emigrants èran, majoritàriament, d’Eritrèa e tanben de Somalia, que faguèron d’aclamacions d’òsca en vesent l’arribada dels vaissèls militars italians. En mai d'aquò, qualques unes sautèron dins la mar e nadèron dirèctament fins als batèls europèus. Totun, pas totes, pr’amor que d’autres avián paur e esperèron l’arribada de la Marina Italiana per èsser salvats. Demest los naufragièrs i aviá qualques centenats d’enfants. Cada an un fum d’enfants assajan de traversar la Mediterranèa per fugir l’orror. Coma eles, de milièrs d’africans e tanben de sirians e d’afgans cèrcan una vida melhora que la que daissan endarrièr.
Un país en caos total
Dempuèi la casuda de Libia dins lo caos e la manca de contraròtle de las frontièras del país, la rota maritima es de mai en mai utilizada pels emigrants. Lo dictator Muammar Al Qadhdhafi foguèt tuat en 2011 e tre alavetz l’estat es vengut un país sens lei e amb de centenats de milícias que luchan contra l’autoproclamat Estat Islamic o vòlon impausar lor influéncia.
En junhet d’ongan, l’Union Europèa espandiguèt encara mai l’airal d’operacions del contraròtle migratòri e d’alavetz ençà las fòrças navalas italianas, e tanben las libianas, ensajan d’arrestar las barcassas que menan d’emigrants que vòlon traversar la mar nòstra. E mai dins de condicions tròp sovent abusivas.
Seràn menats dins de centres de detencion en Libia
Los grops de defensa dels dreches europèus e diverses expèrts an avertit que totes aqueles migrants seràn menats dins 20 centres de detencion oficials de Libia. D’autres, los qu’auràn encara mens astre, seràn mandats dins de centres de detencion contrarotlats per las màfias o los grops criminals.
Christian Andreu
Esta es la crónica de hoy.Sobran las palabras.La humanidad de Europa yace con los miles de personas en el fondo #Medpic.twitter.com/qZiimH5ZXh
— PROACTIVA OPEN ARMS (@PROACTIVA_SERV) 29 d’agost de 2016
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari