Actualitats
Emmanuel Macron a demissionat del govèrn francés
Lo ministre de l’economia quita lo govèrn per se consagrar a son movement nomenat En Marche
Lo ministre de l’economia francés, Emmanuel Macron, a demissionat del govèrn. Oficializada ièr dimars a 15h, la partença de l’ambiciós ministre èra esperada dempuèi qualques meses, a causa de las diferéncias que ten amb lo govèrn socialista, mai que mai amb lo primièr ministre, Manuel Valls.
Macron quita lo govèrn per se consagrar a son movement nomenat En Marche (En Marcha), lançat fa qualques meses amb un apròchi fòrça mai liberal que lo PS.
E mai se sa candidatura es pas encara confirmada, la partença de Macron se produtz quand comença la campanha de las eleccions presidencialas de 2017. Lo nom de Macron es soslinhat dins los darrièrs sondatges suls eventuals aspirants a la Presidéncia de la Republica francesa, e mai s’es lo candidat mens sostengut pels ciutadans en general.
Lo renonciament de Macron a provocat de nombrosas reaccions, dont la del secretari general del sindicat CGT, Philippe Martinez, que critiquèt las iniciativas liberalas que l’èx-ministre de l’economia a bandidas.
De legir l’article d’opinion de Joan Marc Leclercq entitolat “Macron: Lo dangèr”
Macron quita lo govèrn per se consagrar a son movement nomenat En Marche (En Marcha), lançat fa qualques meses amb un apròchi fòrça mai liberal que lo PS.
E mai se sa candidatura es pas encara confirmada, la partença de Macron se produtz quand comença la campanha de las eleccions presidencialas de 2017. Lo nom de Macron es soslinhat dins los darrièrs sondatges suls eventuals aspirants a la Presidéncia de la Republica francesa, e mai s’es lo candidat mens sostengut pels ciutadans en general.
Lo renonciament de Macron a provocat de nombrosas reaccions, dont la del secretari general del sindicat CGT, Philippe Martinez, que critiquèt las iniciativas liberalas que l’èx-ministre de l’economia a bandidas.
De legir l’article d’opinion de Joan Marc Leclercq entitolat “Macron: Lo dangèr”
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quun benastre. Un non socialista sonat Macron quita lo PS. UN jorn de fèsta. N'avèm pas finit . Totes , los del ENA, d'HEC, de Sciénças PO , e autres escòlas de la "carrièra personala" , van quitar lo TITANIC. Es pas bèla la vida? Lo PS es a man de tornar al 5% coma al temps de Deferra e de la SFIO. Lo PS es un gròs boton sus la pèl del pòble d'esquèrra . Que fin finala revèrta la pesta negra. Ambe Macron , Valls , Hollanda, podèm esperar tornar la pagina per mai de trenta ans, es a dire que cal profiechar de la votacion propdana per los neantisar d'a fons a cima. Istòria de se far plaser!
"Ieu Sembla-Loucian de Samousate me cal maridar amb vos. Ta drechanesa me fa fòrça falord."
Unas soscadissas sus aquèsta nova :
1) Bof .
2) " Much ado about nothing" (Un faiç de rambalh per pas res.)
3) Intrigas e enfadas parisencas de palais, idem qu'aquèlas de Versailles al temps dels reis francimands.
4) Nosautres, paures pacans de "provincials" avèm pas res a vèire amb aquèsta gent, levat agachar o badar, vist que sèm plan en defora d'aquèl escenari, espectators muts e sensa cap poder, d'a fons "fora-joc", a solament patir e subir, coma d'acostuma.
5) Los jocs de poder al dintre dau poder parisiano-jacobin. Tracanas, manipolis e disgracias de palais.
6) Al nivèl de l'oc ? Total non-eveniment
7) Bof
aquest matin quand i a aguèt la ceremoniá de passar lei poders d'E. Macron a M. Sapin, lo discors de Macron foguèt d'una abiletat demoniaca. L'orator discipol dau filosofe crestian P. Ricoeur faguèt lo panigerica de Bercy, aqueu santuari deis impôsts, onte avià agut viscut dos amb sa femna e saludèt tos aqueli que li trabalhan, dei fonccionaris dau gros grum fins qu'ai doganiers, ai caufurs e ai cosiniers Sa "captatio benevolentiae"semblava foart una "captatio votarum"; son discors èra samenat de citacions de Gobineau, de Saint-Exupèry et de M. Pagnol; parti en mar diguèt e li a de perilhs de cabussar e de faire naufrage, mai coma un personatge de Pagnol o diguèt dins "Fanny" :, en mar siam tostèmps en dangierque la barcassa se revira, ,mai se vos gaudir de la mar sensa correr de dangier, crompa te un illa qu'es una terra enrodada d'aiga e non pas un batèu" son discors puei foguèt un cap d'obra de casuistica que concilliava l'aiga amb lo fuoc, Hollande, Sapin amb son ambicion suprema qu'ei de se presentar a la presidéncia de la republica e de la ganhar e ieu, me remembravi en 1973, a escotar un discors de Valèry Giscar d'Estaing a la television negra e blanca que ne foguèri estabosit, me diguèri in petto "aqueu anarà luenh", ansin parier per Macron, l'embarcament per Citèra es aqui, tot prochi, soleta espinha dins lo pè, lei 112500 migrants venguts de Libia desbarcats en Italia, sensa comptar aquelei desbarcats en Espanha e Grèça, chifra qu'aurà doblat o triplat au mes de mai de l'an que ven, onte se votarà per president e leis atentats totjorn que mai possible
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari