Actualitats
Los prèmis del festenal “Visa pour l’Image” an concernit de reportages socials
La crisi dels refugiats es estada un dels tèmas mai frequents dels trabalhs presentats al festenal de fotojornalisme internacional de Perpinhan
Lo festenal” Visa pour l’Image” (Visat per l'Imatge) a premiat lo fotograf grèc Aris Messinis amb lo Visat d’Aur Actualitats pel reportatge entitolat War in Peace, qu’explica lo drama dels refugiats que son arribats a l’illa grèga de Lèsbos dins los darrièrs meses. La crisi dels refugiats es un dels tèmas mai frequents de las òbras presentadas al festenal de fotojornalisme internacional de Perpinhan (Catalonha), que se tenguèt la dimenjada passada.
De soslinhar tanben lo prèmi dins la categoria de las revistas que lo recebèt lo fotojornalista alemand Peter Bauza pel trabalh Copacabana Palace, e que rebat la subrevivença de tres cents familhas de Brasil dins una bastissa inacabada. Lo trabalh de Bauza soslinha la paradòxa entre un Brasil qu’a bastit de grandas infrastructuras pels Jòcs Olimpics e la realitat viscuda dins plusors quartièrs de las vilas grandas coma Rio de Janeiro, dins d'edificis inacabats e en de marridas condicions.
Tanben an premiat lo parelh de fotografes eslovèns Jaka Gasar e Bojan Velikonja dins la categoria de fotografia quotidiana per Dnevnik, que mòstra lo patiment de refugiats qu'arriban en Eslovènia. Lo Visat d’Aur d’Onor es anat al fotojornalista estatsunidenc Stanley Greene.
“Visa pour l’Image” es lo festenal de fotojornalisme internacional mai important que se ten cada annada a Perpinhan. Lo festenal constituís un rendètz-vos excepcional pels amoroses de la fotografia jornalistica e amassa de milièrs de vesitaires que partejan la meteissa passion o lo meteis mestièr, lo fotojornalisme.
De soslinhar tanben lo prèmi dins la categoria de las revistas que lo recebèt lo fotojornalista alemand Peter Bauza pel trabalh Copacabana Palace, e que rebat la subrevivença de tres cents familhas de Brasil dins una bastissa inacabada. Lo trabalh de Bauza soslinha la paradòxa entre un Brasil qu’a bastit de grandas infrastructuras pels Jòcs Olimpics e la realitat viscuda dins plusors quartièrs de las vilas grandas coma Rio de Janeiro, dins d'edificis inacabats e en de marridas condicions.
Tanben an premiat lo parelh de fotografes eslovèns Jaka Gasar e Bojan Velikonja dins la categoria de fotografia quotidiana per Dnevnik, que mòstra lo patiment de refugiats qu'arriban en Eslovènia. Lo Visat d’Aur d’Onor es anat al fotojornalista estatsunidenc Stanley Greene.
“Visa pour l’Image” es lo festenal de fotojornalisme internacional mai important que se ten cada annada a Perpinhan. Lo festenal constituís un rendètz-vos excepcional pels amoroses de la fotografia jornalistica e amassa de milièrs de vesitaires que partejan la meteissa passion o lo meteis mestièr, lo fotojornalisme.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
totis aqueleis imatges que fan plorar Margot, Mariana e Misé Brescambilha, amb de mocadors tant largs coma de susaris, auriam de lei remplaçar per d'imagtes de pios musulmans en preguieras, lo cuou virat vèrs lo paradis d'Allah, d'imatges de femnas veladas, niqab, chador, burqini etc etc e assaborar lo tot amb d'imatges de Daehsh-Jordan Copatèstas o ben de Daesh-Trestalhons (1°) que faràn fernir, perqué siam aqui au nis de la sèrp : assaber lo fanatisme religios copable de toti aquelei maluranças, e nautres leis occidentaus censats n'èstre l'encausa, faguem coma Pilat, lavèm se ne'n lei mans 1° Jordan Copa-tèstas revolucionari de Vauclusa, apostol de la guilhotina en 1793 e Trestalhons, un dei principaus protagonistas de la terror blanca de 1815 dins lo meteis despartament, d'aquelei qu'assassinèron lo marescau Brune e tant e puei mai de patriotas. legissètz "la terrour blanco", lo roman de Fèlix Gras, edicion "prouvènço d'aro" ont l'escrivan republican, que foguèt capolier dau Felibrige (1895-1901) desenvolupa abans-ora una curiosa teoria dau complot, en mai d'aquo, un dei melhors romans de nostra literatura, dins lei piadas d'Alexandre Dumas
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari