Bandièra01 1180x150: País Invisible

Actualitats

Lo cabilisme contra l’ensenhament de l’arabi dins las escòlas francesas

Una ministra del govèrn provisòri cabil remembra a Najat Vallaud-Belkacem que la lenga de fòrça immigrats nòrd-africans dins l’estat francés es l’amazigh

| Vermondo
Lo govèrn provisòri cabil a interpelat lo govèrn francés qu’a declarat sa volontat d’integrar l’ensenhament de l’arabi dins lo cursus escolar, e i manifèsta son oposicion.
 
Dins un comunicat que publiquèt Résistance Kabyle lo 3 de setembre passat, Sakina Ait Ahmed, ministra de la lenga e de la cultura cabilas d’aquel govèrn provisòri, remembra que la lenga de fòrça immigrats nòrd-africans dins l’estat francés es l’amazigh, “que sián originaris de Cabilia o de Tamazgha en general”, çò es totes los territòris de lenga e de cultura berbèras, e convida los parents cabils residents dins l’estat francés “a resistir” e “a mesurar los efièches nefastes sus lors enfants als quals òm va substituir lor veritabla lenga mairala”.
 
Ait Ahmed remembra que “mai de dos milions de cabils vivon en França” del temps que fa remarcar que l’ensenhament de l’arabi compòrta, sovent, un encastre cultural promogut per las “dictaturas religiosas de l’Orient Mejan” qu’es  “retrograd e discriminatòri a respècte de las femnas”.
 
Podètz legir lo comunicat complet en francés sul sit de Résistance Kabyle.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Joan-Pèire Soulié
3.

#1 « un pauc d'arabofobia fai de ben... » 
E òc, cadun se pinhòla coma pòt.
Quand erètz islamofòb, podiatz totjorn amagar vòstra asirança darrièr d’arguments filosofics, al nom de la laïcitat , de la liura pensada contra l’escurantisme e lo terrorisme al nom d’una religion. L’actualitat vos’n balhèt l’escasença. Mas ara, sénher P…, l’arabofòbia es de racisme ! racisme contra una etnia, o contra una lenga qu’es cèrtas la del Coran, mas tanben la de la vida vidanta de milions de personas dont de cristians , d’atèus, de poètas, d’escrivans e pas dels mendres.
Alara una question, sénher P… : vos sembla compatibla vòstra arabofòbia amb aquò : http://www.penclub.fr/spip.php?article152  ?

  • 3
  • 0
Adai Nòu Ashenshen
2.

Soi pas contra la Tamazga. Solide que los cal ensenhar la lenga mairala de son país (qu’es pas l’arab magrabin). Ça que la, los amazigs son en sa majoritat islamics e daissaràn pas sa religion per parlar l’amazig. Se parlar occitan calguèsse èsser cresent de la religion romana anciana o la gallesa o la franca un pauquet de mond aurián de desirs de lo far. Amazig-parlants o non amazig-parlants se sos familhas e entorn son masclistas seràn sovent masclistas e la societat occidentala es encara pro masclista. Aquestas gents son pas en Kabilia.

  • 3
  • 0
constantin valetudinari
1.

aqueles cabils an tot dich, non a l'ensenhament de l'arabi, lenga dau coran ! non e tres cops non ! nàni, per emplegar un galicisme -que nenni- am aquo, un cop d'esplinga ai dictaturas religiosas de l'Orient mejan que son retrogradas e discriminatorias per la femna ! un pauc d'arabofobia fai de ben...

  • 14
  • 29

Escriu un comentari sus aqueste article