Bandièra01 1180x150: Comuna de Tolosa

Actualitats

crotz-tolosaCreated with Sketch.ProvençaProvençaPaís Marselhés

Marselha: accident mortal sus l’Harmony of the Seas

Un barcòt de salvament se destaquèt del 5n pont amb cinc personas a bòrd e tombèt dins la mar, dins l’encastre d’un exercici de seguretat

L’Harmony of the Seas, qu’es lo paquebòt pus grand del Mond, es arribat pel segond còp a Marselha, ara d’un biais tragic. Amarrat al pòrt de la ciutat focèa, lo vaisselàs patiguèt ièr un accident amb lo bilanç d’una persona mòrta e de quatre ferits grèus, totes de membres de l’esquipatge. Segon çò que rapòrta La Provence, un barcòt de salvament se destaquèt del 5n pont amb cinc personas a bòrd e tombèt dins la mar, dins l’encastre d’un exercici de seguretat.
 
Fabricat en Bretanha entre setembre de 2013 e mai de 2016, e comandat per Royal Caribbean, l’Harmony of the Seas es un paquebòt de 362 mètres de long, 66m de larg e 72m de naut, valent a dire qu'es naut coma un immòble de 20 estatges. Tre son amarinament, faguèt sa primièra escala a Marselha en junh passat.
 
 
 

Accident sur l'Harmony of the Seas à Marseille...per LaProvence

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma de mallorca
1.

Hi cal pas hi anar, per s'un cas volen far una demostracion amb los passatgers.

  • 1
  • 0

Escriu un comentari sus aqueste article