Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaBearnPalés

Dissabte que ven se tendrà una serada de sosten per La Setmana

Coorganizat per la FIMÒC, l’eveniment prepausa tre 19h de cantar, dançar, escotar, manjar... al complèxe Victor Hugo de Lescar (Bearn)

| FIMÒC

La societat cooperativa Vistedit, que publica dempuèi 1995 lo setmanièr La Setmana e las publicacions infantilas Papagai e Plumalhon es totjorn menaçada. La campanha de sostens lançada en octòbre d’arunan a capitat de trapar 120 abonats de mai (gaireben 800 en tot), mas es pas pro per salvar La Setmana, la societat cooperativa e los quatre emplecs associats. Per tant, dissabte que ven se tendrà a Lescar (Bearn) una serada de sosten al mèdia occitanofòn. Una participacion nombrosa es desirabla, mas tanben una avalanca de sostens e d’abonaments per tal d’assegurar los mèdias de qualitat en occitan.


Dissabte que ven, lo complèxe Victor Hugo de Lescar (Bearn) aculhirà una serada de sosten al setmanièr occitanofòn La Setmana e en general a la societat cooperativa Vistedit, qu’en mai del setmanièr publica las revistas infantilas Plumalhon e Papagai e qu’emplega quatre personas.
 
Coorganizat per la Federacion Interregionala dels Mèdias Occitans (FIMÒC), l’eveniment prepausa tre 19h de cantar, dançar, escotar, manjar. Lo programa prepausa un aperitiu cantèra e los espectacles de tres grops: Los Seuvetons es un grop bearnés que sona dempuèi las annadas 1980 e que prepausa un espectacle novèl nomenat Arcolin, lo parelh Base Duo Didier Oliver e Joaquim Montbord que fan de musica gascona e d’endacòm mai, e Espartenhas, un qüatuor de musicas vengudas de Gasconha, Portugal, Itàlia…
 
Al programa :
 
— 19h: cantèra-aperitiu, sauts bearneses
— 20h: “Arcolin”, espectacle dels Seuvetons
— 21h: Repais (sus reservacion) e balèti tradicional amb Espartenhas e Base Duo
— Empont obèrt, Mesclanha…
— Estanquet — Repais (sus reservacion)
 
Tarifas :
 
— Aperitiu/cantèra, espectacle + bal (intrada a comptar de 19h) : 12 èuros
— Bal (entrada a comptar de 19h) : 8 èuros
— Repais (sus reservacion) : 10 èuros
 
Prèses reduches :
 
— Serada sancèra amb repais : 20 èuros
— Repais e bal: 15 èuros
— Repais pels enfants de mens de 12 ans: 5 èuros
 
Per mai d’informacions: gestion@lasetmana..., Telefòn +33(0)5 59 81 02 59 (HB) o +33(0)6 83 98 40 26.
 
 
Tota la premsa occitana patís
 
Sul Blòg occitan de France 3, un article de Benaset Roux anóncia la serada de sosten a La Setmana. Roux remembra las dificultats que patissèm los mèdias occitanofòns en general.
 
Dins aquel article, Roux parla amb lo capredactor de La Setmana, Clamenç Pech qu’explica que la publicacion tòca pas cap de subvencions de las collectivitats e “aquò es pas d’actualitat”. Aquí, Pech explica que lo sit internet prepausarà lèu una formula novèla, abans la fin de l’an. “Lo numeric nos servís de teaser per l’edicion papièr qu’es pas condemnada. Entre los dos i a una mena de coabitacion pacifica! Sèm a estudiar de publicitats pagantas sul sit”. Mas aquò sufirà pas per èsser en capacitat de contunhar.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
5.

Som suscriptor e esperi que puga continuar, amb las ajudas necessària d' ont sia, podria ser de l'UE tamben, per anar envant amb la bona feina que fa aqueste setmanari en occitan. Visca la Setmana !

  • 1
  • 0
Muhahah Madinat Al-Muhahahi
4.

Lo mujòl islamofòb cresi en ieu, Muhahah lo jin. Doncas lo mujòl de mai en mai conàs, çò es mon don, que soi marrit ;) .

  • 0
  • 0
Lo Muòl
3.

#2 legississi pas la setmana sonque lo dimenge ! Muhahaha
Puèi i a cap de responsas.... a la question pausada çai jos !

  • 0
  • 10
Guilhèm Thomas Tolosa
2.

#1

Se vòls mai d'elements de responsa a ta question te cal legir lo numerò de "LA SETMANA" d'aquesta quinzenada ! Entitolat : "Occitan : de mestièrs nòus fan mestièr".

Quina ironia isnt it ?

  • 5
  • 2
Lo Muòl
1.

Nos cal revirar devèrs wall street.
Soi espanrat de vèire que desempuèi gaireben 40 ans sem encara a fonccionar ambe de benevolat.

Es lo problèma primièr de l'occitanusme qu'a pas sauput s'engulhar dins la vida econòmica...

La question es per de qué ?

  • 2
  • 9

Escriu un comentari sus aqueste article