Bandièra01 1180x150: Comuna de Tolosa

Actualitats

Lo Front Nacional acusa la Generalitat de Catalonha de pagar “l’agitacion de Catalonha Nòrd”

Per Louis Aliot, las manifestacions en favor d’apondre “País Catalan” al nom de la region son “una instrumentalizacion per de grops catalans barceloneses”

Lo president del Front Nacional en Catalonha Nòrd, Louis Aliot, diguèt dimècres passat que las manifestacions en favor d’apondre “País Catalan” al nom de la region èran “una instrumentalizacion per de grops catalans barceloneses”, çò rapòrta L’Indépendant. Aliot, qu’es tanben eurodeputat, conselhièr municipal de l’oposicion a Perpinhan (Catalonha), a acusat lo conselhièr municipal catalanista Jordi Vera d’èsser finançat per “un país estrangièr”. “La Generalitat de Catalonha lo paga per far d’agitacion e degun ditz pas res”, çò afirmèt Aliot.
 
Aliot n’aviá tanben per Brice Lafontaine, president d’Unitat Catalana e adjonch al cònsol LR de Perpinhan Jean-Marc Pujol: “Sénher Lafontaine es a l’encòp en çò de Jean-Marc Pujol mas ditz èsser per l’autonomia dels Pirenèus Orientals”, çò diguèt lo representant del partit xenofòb.
 
Jordi Vera expliquèt que los comptes de la Generalitat de Catalonha èran blocats pel govèrn de Madrid, e que seriá absurde que Madrid paguèsse los panèls “Pays catalan”. En mai d’aquò, Vera explica que tota la campanha es estada finançada per de caps d’entrepresas e de personalitats de Catalonha Nòrd.
 


 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
11.

Quin Gràcia,, que tenen por dels Catalans del sud, si no li agrada viure a Catalunya que ho diguin.
Però, en fi, aquest senyor és Català o francès? O pitjor no sap el que és, ai pobre.
Salut, i Visca la Terra...LLiure!
Ah, i despertaferro!
L'Ernest, "El Tàrrega".

  • 0
  • 0
Ernèst Guevarra Jr.
10.

Lo nacionalisme occitan acusa França e sos representants d'estat de pagar (fòrça car e dempuèi longtemps) per escafar tota veleïtat culturala, linguistica e mai, plan segur, nacionala autra que francesa sul territòri de las conquestas reialas capecianas — las del Napoleonne Bonaporte lor agent escapat !…

  • 2
  • 0
Joan Molin
9.

Los Catalans del Sud ajudarián los Catalans del Nòrd a non pas desaparéisser ? Quina descobèrta ! Quina suspresa ! N'estam tot estabosits ! Qual o auriá sopçonat, en fòra d'aquel manja-palha ?

  • 4
  • 0
Clementina Solinhac Galiza
7.

Aquesta fòrça politica es d'ideologia nazi.

  • 6
  • 0

Escriu un comentari sus aqueste article