Bandièra01 1180x150: Comuna de Tolosa

Actualitats

La consolessa de Roma se retira de la candidatura als Jòcs Olimpics

“Nos cal pas mai de catedralas dins lo desèrt, d’autres investiments que pagarem pendent fòrça annadas”, çò ditz

La consolessa de Roma, Virginia Raggi, del Movement 5 Estelas, a decidit de retirar la candidatura de Roma als Jòcs Olimpics perque lo deute de la vila es tròp grand e se’n pòt pas ipotecar l’avenir. “De fach, amb los Jòcs Olimpics, çò que se demanda es que nos endeutem. Qu’assumiscam mai de deutes pels romans e per totes los italians. Aquò es çò que se nos demanda. O volèm pas far, sincèrament”, çò declarèt.
 
“Demandatz a un andicapat çò que significa se desplaçar dins Roma cada jorn, demandatz a un ciutadan que vòl far de bicicleta, al que deu anar amb una carretona d’enfant. Es una vila ont s’i pòt pas viure [...] Los romans nos an demandat que resolgam aquò. Nos cal pas mai de catedralas dins lo desèrt, d’autres investiments que pagarem pendent fòrça annadas”, çò diguèt en tot remembrar qu’encara a l’ora d’ara se paga lo deute dels Jòcs Olimpics que la vila organizèt en 1960.
 
La consolessa se presentèt pas a la reünion qu’aviá convocada amb los responsables del Comitat Olimpic Italian per estudiar lo projècte dels Jòcs Olimpics. De fach, lo Movement 5 Estelas aviá ja manifestat son oposicion als jòcs.
 
Ara, las candidaturas que se mantenon per organizar l’Olimpiada de 2024 son las de Los Angeles, Budapèst e París. Los Jòcs de 2020 se faràn a Tòquio.
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
4.

Una decision raonable, pagar abans los jocs olímpics anteriors, del 1960.

  • 1
  • 0
Gandalf Valinor
3.

Movement 5 estelas, amb ela, ne compta adara 6 ! Aquò se ditz una elegida del pòble !

  • 8
  • 0
Lo Muòl
2.

Una idèia rasonable d'aquela consòlessa.
Los jòcs olimpics part lo brassatge mediatic es pas una bona afar .

Des deutes b'avem pron.

  • 3
  • 0
Pirolet
1.

Mentretant la Fidalgo e tota la clica mediatico-politica nos vòlon far cargar sus l'equina de Jòcs Olimpics a París. A eles lor costarà pas res. Al contrari, se'n metràn plan dins la pança e tanplan dins la pòcha.

  • 8
  • 0

Escriu un comentari sus aqueste article