Actualitats
Marròc: la bibliotèca pus anciana del mond torna dobrir sas pòrtas
Un important dispositiu de seguretat e un nòu sistèma de canalizacion son qualques unas de las novetats de la bibliotèca restaurada, fondada a Fès l'an 859
Khizanat Al Qarawiyyin se tròba dins la vila marroquina de Fès e es considerada coma la bibliotèca pus anciana de la planeta. Aquela relíquia culturala e arquitectonica se fondèt en 859 e es previst que plan lèu tornarà dobrir al public. Lo document pus ancian e preciós que s’i consèrva es una edicion de l’Alcoran del sègle IX escricha amb la calligrafia dicha cofica sus pèl de camèl.
Los volums manuscriches que i aviá èran d’una importància extraordinària tala, que la pòrta metallica de la bibliotèca aviá quatre verrolhs desparièrs, que cadun se dobrissiá amb una clau desparièra que la teniá caduna una persona desparièra. La seguretat èra maximala: cada còp qu'èra necite de dobrir la pòrta, caliá que i foguèsson los quatre portièrs.
Ara, per poder recuperar la foncionalitat del sit, s’es debanat un minuciós procès de restauracion. La nòva bibliotèca a un sistèma de canalizacion e de drainatge e un laboratòri amb tot çò que cal per tractar, preservar e numerizar los exemplars pus ancians. Aqueles manuscriches mai fragils se gardaràn dins una sala.
La redobertura de Khizanat Al Qarawiyyin arriba en un moment tormentat per las icònas culturalas de la region. Lo terrorisme de l’autoproclamat Estada Islamica a pilhat e destruch, dins los darrièrs meses, la granda bibliotèca de Mossol, a destruch lo temple de Baal Shamin a Palmira e a de vilas entièras que las avián bastidas los assirians.
De Fatima a Aziza
L'istòria de la magnifica bibliotèca de Fès es estrechament restacada a doas femnas. Fatima Al Fihri èra la filha d’un ric mercadièr tunisian qu'al sègle XI arribèt en Marròc. Aquí, ela imaginèt aquel sit arquitectonic subrebèl qu’inclusiá pas solament la bibliotèca mas tanben una mosqueta e l’universitat de Qarawiyyin.
Vint e dos sègles puèi, es tanben una femna qu'es cargada de far reviure lo sit. En 2012, lo Ministèri de la Cultura de Marròc, qu’es lo proprietari de la bibliotèca, comandèt una avaloracion de l’estat d’aquela jòia a Aziza Chaouni. Puèi, son burèu d’arquitèctes obtenguèt lo contracte per far la restauracion de la bibliotèca pus anciana del Mond.
Los volums manuscriches que i aviá èran d’una importància extraordinària tala, que la pòrta metallica de la bibliotèca aviá quatre verrolhs desparièrs, que cadun se dobrissiá amb una clau desparièra que la teniá caduna una persona desparièra. La seguretat èra maximala: cada còp qu'èra necite de dobrir la pòrta, caliá que i foguèsson los quatre portièrs.
Ara, per poder recuperar la foncionalitat del sit, s’es debanat un minuciós procès de restauracion. La nòva bibliotèca a un sistèma de canalizacion e de drainatge e un laboratòri amb tot çò que cal per tractar, preservar e numerizar los exemplars pus ancians. Aqueles manuscriches mai fragils se gardaràn dins una sala.
La redobertura de Khizanat Al Qarawiyyin arriba en un moment tormentat per las icònas culturalas de la region. Lo terrorisme de l’autoproclamat Estada Islamica a pilhat e destruch, dins los darrièrs meses, la granda bibliotèca de Mossol, a destruch lo temple de Baal Shamin a Palmira e a de vilas entièras que las avián bastidas los assirians.
De Fatima a Aziza
L'istòria de la magnifica bibliotèca de Fès es estrechament restacada a doas femnas. Fatima Al Fihri èra la filha d’un ric mercadièr tunisian qu'al sègle XI arribèt en Marròc. Aquí, ela imaginèt aquel sit arquitectonic subrebèl qu’inclusiá pas solament la bibliotèca mas tanben una mosqueta e l’universitat de Qarawiyyin.
Vint e dos sègles puèi, es tanben una femna qu'es cargada de far reviure lo sit. En 2012, lo Ministèri de la Cultura de Marròc, qu’es lo proprietari de la bibliotèca, comandèt una avaloracion de l’estat d’aquela jòia a Aziza Chaouni. Puèi, son burèu d’arquitèctes obtenguèt lo contracte per far la restauracion de la bibliotèca pus anciana del Mond.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Tot el que sigui cultura és bo, te la capacitat d'unir els pobles, sigui o no sigui la mes antiga, però el que és clar, és la seva importància, com a centre de cultura antiga.
Visc ala Terra..Lliure!
L'Ernest, "El Tàrrega".
#2 E abans de cridar a l'antiquitat d'una causa atal, valdriá tanben lo còp d'anar verificar metodicament se i a pas tanben quicòm de fòrça ancian, del costat de China e del costat de las Índias mai que mai… Question de prudéncia metodologica. Supausi, plan segur, que i auràn soscat abans nosautres.
Totun, fa fòrça longtemps qu'escrivon milanta causas de tota mena, per las Índias, e m'estonariá un pauc que non i agèsse, ailà luènh tanben, unas bibliotècas fòrça ancianas, e benlèu encara qu'aquesta venerabla del plan culte Magrheb. Lo problèma de las Índias escritas es qu'i manca terriblament un inventari general del patrimòmi, daissat mai o mens abandonat jos la posca de l'ignorança modernista e utilitarista, malautiá collectiva que s'apodèra del mond coma la rèba.
#1
I a pas d'error: l'article traita de la bibliotèca mai anciana del mon encara en foncionament.
La d'Alexàndria foguèt destrusida fa un molon de sègles
Adixatz , que i a ua fauta en aqueth article, eth libièr mes vielh qu'aqueth deu estar eth d'Alexandria en Egypta en 288 avant Christ creat per Ptoleme eth eiretèr d'Alexandre eth grand.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari