Actualitats
L’enfanton de Nirvana torna cabussar 25 ans puèi
Amb aquel imatge se festeja lo 25n anniversari de l’album Nevermind, considerat coma una estapa importanta de la cultura pòp
Spencer Elden, l’enfanton qu’illustrava lo celèbre album Nevermind de Nirvana en nadant darrièr un dolar ponch d’un anquet, a tornat cabussar 25 ans après per festejar l’anniversari del disc, çò rapòrta New York Post. Elden es a l’ora d’ara un artista d’art urban.
Per la primièra fòto, lo paire d’Spencer Elden —qu’es lo qu’aguèt l’idèa— recebèt pas que 200 dolars, e mai se l’album coneguèt un succès estrambordant amb mai de 30 milions de còpias vendudas. Ara, per la fòto actuala, Elden a recebut exactament lo meteis pagament, çò rapòrta lo jornal estatsunidenc.
Es pas lo primèr còp qu’Elden remembra aquel imatge emblematic. O faguèt en 2001 per la revista Rolling Stone, en escasença del 10n anniversari de l’album, e una autra vegada en 2008.
Nevermind es lo segond album estúdio del grop estatsunidenc de grunge Nirvana, sortit lo 24 de setembre de 1991 als Estats Units e lo 23 en Euròpa pel labèl DGC Records. Gaireben totas las cançons foguèron escrichas e compausadas per Kurt Cobain. L’album es considerat coma una estapa importanta de la cultura pòp.
L’imatge qu’illustra la cobèrta del disc aguèt un impacte mondial. E tanben marquèt la vida d’Spencer Elden, e mai s’el se remembra pas lo moment que li faguèron la fòto. Solament cal veire l’enòrme tatoatge “Nevermind” sul pitre de l’artista.
Per la primièra fòto, lo paire d’Spencer Elden —qu’es lo qu’aguèt l’idèa— recebèt pas que 200 dolars, e mai se l’album coneguèt un succès estrambordant amb mai de 30 milions de còpias vendudas. Ara, per la fòto actuala, Elden a recebut exactament lo meteis pagament, çò rapòrta lo jornal estatsunidenc.
Es pas lo primèr còp qu’Elden remembra aquel imatge emblematic. O faguèt en 2001 per la revista Rolling Stone, en escasença del 10n anniversari de l’album, e una autra vegada en 2008.
Nevermind es lo segond album estúdio del grop estatsunidenc de grunge Nirvana, sortit lo 24 de setembre de 1991 als Estats Units e lo 23 en Euròpa pel labèl DGC Records. Gaireben totas las cançons foguèron escrichas e compausadas per Kurt Cobain. L’album es considerat coma una estapa importanta de la cultura pòp.
L’imatge qu’illustra la cobèrta del disc aguèt un impacte mondial. E tanben marquèt la vida d’Spencer Elden, e mai s’el se remembra pas lo moment que li faguèron la fòto. Solament cal veire l’enòrme tatoatge “Nevermind” sul pitre de l’artista.
The baby featured on Nirvana's "Nevermind" album cover recreated the iconic shot 25 years later https://t.co/B51fPwbCfUpic.twitter.com/y9vL6QEhJx
— New York Post (@nypost) 25 de setembre de 2016
@nypost@mjstainbank for those who don't know. pic.twitter.com/KNdQ0TvNaL
— Sandile van Heerden (@SandilevHeerden) 25 de setembre de 2016
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari