Actualitats
Una hèsta de la Catinon a Sent Lis, maugrat tot
La Catinon se hè les 22 ans amb les escolans d’occitan, J. Passerat e J.L. Blenet
Sent Lis viu oras dificilas pr’amor après un rapòrt negatiu de la Cramba Regionala deus Comptes (CRC), que revelèc un endeutament deus pesucs, la municipalitat dintrèc en crisi. Le budget comunau estèc pas adoptat, les comptes estèren gerits dirèctament per la CRC, la majoritat deus conselhèrs municipaus demissionèren, en provocant atau una novèla municipala anticipada. Aquera falhita politica a vist l’eleccion d’un maire novèl, Serge Deuilhé (dissident PS sostengut per la dreta sarkozista). Totas aqueras camaligas toquèren le monde associatiu. Atau, enguan la municipalitat, que dejà subvencionava pas la hèsta de la Catinon, ajuda pas brica. Aquesta 22a edicion, que serà donc al 100% a la carga de l’associacion Catinon, se volerà mèi modèsta.
Mès le 22n anniversari de la Catinon a Sent Lis serà totjorn una hèsta, occitana e populara, e contunha sa modernizacion en se virant cap la joenessa. Le desir de Carles Molin, creator de las aventuras de Minjacebas, èra “de tocar lo mès de gents possible en occitan.” L’associacion sentlisiana avança sus aqueste camin en reorientar la siva hèsta e en la concentrar sus dus jorns, au lòc deus tres abituaus: les 1 e 2 d’octòbre.
La hèsta començarà le dissabte 1 d’octòbre. Les dròlles de la seccion bilingua, a 18h, que haràn amb l’ajuda de la Catinon e de Manu Isopet quauques cants occitans. Un jòc de “bolega-tot” permeterà de balhar bonbons aus dròlles ende’us remerciar e les grands auràn la tradicionala còca de cebas de Minjacebas amb le còp de vin doç (es gratis!). Tot aquò serà seguit d’un repaish tolosan a 8 èuros e d’una balòcha gratuita de Manu Isopet a partir de 19h30.
La hèsta contunharà le dimenge 2 d’octòbre, a 11h, amb una granda messa occitana a la glèisa de Sent Lis de l’abat Jòrdi Passerat. Tot aquò serà seguit d’una granda taulejada gastronomica a 12h30 a la sala de Graveta de St Lis. Après le repaish, de 15H a 16h30 i aurà una peçòta de Catinon, hèita per J.L. Blenet, titolada “Las Farcejadas de la Catinon”. Le repaish-espectacle còsta 26 èuros.
La hèsta de la Catinon se hè dins l’encastre deu Hestenau Occitània.
Nicolau Rei Bèthvéder
Hèsta de la Catinon
Sent Lis, 1r e 2 d’octòbre 2016
Informacions e reservacions: +33(0)6 86 89 23 61 o p.lasseube@oran...
Siti: paisdecatinou.over-blog.com
Mès le 22n anniversari de la Catinon a Sent Lis serà totjorn una hèsta, occitana e populara, e contunha sa modernizacion en se virant cap la joenessa. Le desir de Carles Molin, creator de las aventuras de Minjacebas, èra “de tocar lo mès de gents possible en occitan.” L’associacion sentlisiana avança sus aqueste camin en reorientar la siva hèsta e en la concentrar sus dus jorns, au lòc deus tres abituaus: les 1 e 2 d’octòbre.
La hèsta començarà le dissabte 1 d’octòbre. Les dròlles de la seccion bilingua, a 18h, que haràn amb l’ajuda de la Catinon e de Manu Isopet quauques cants occitans. Un jòc de “bolega-tot” permeterà de balhar bonbons aus dròlles ende’us remerciar e les grands auràn la tradicionala còca de cebas de Minjacebas amb le còp de vin doç (es gratis!). Tot aquò serà seguit d’un repaish tolosan a 8 èuros e d’una balòcha gratuita de Manu Isopet a partir de 19h30.
La hèsta contunharà le dimenge 2 d’octòbre, a 11h, amb una granda messa occitana a la glèisa de Sent Lis de l’abat Jòrdi Passerat. Tot aquò serà seguit d’una granda taulejada gastronomica a 12h30 a la sala de Graveta de St Lis. Après le repaish, de 15H a 16h30 i aurà una peçòta de Catinon, hèita per J.L. Blenet, titolada “Las Farcejadas de la Catinon”. Le repaish-espectacle còsta 26 èuros.
La hèsta de la Catinon se hè dins l’encastre deu Hestenau Occitània.
Nicolau Rei Bèthvéder
Hèsta de la Catinon
Sent Lis, 1r e 2 d’octòbre 2016
Informacions e reservacions: +33(0)6 86 89 23 61 o p.lasseube@oran...
Siti: paisdecatinou.over-blog.com
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Marianna pels uns, la Catinon pels autres : a cadun son egeria.
Me soveni d'un temps ont la Catinon incarnava l'enemic public numèro un dels occitanistas, Es pas util de tornar sus l'argumentacion : lenga = vièlha endarrierada que repàpia. D'uèi es diferent, podèm pas mai far lo morre, nos arrapam ont podèm mas que s'entenda la lenga. Es aital.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari