Actualitats
Istòria d'un calhòc e deu gat qui l'ensenhè a volar
Que sòrt a Per Noste un libe de Luis Sepúlveda revirat per Joan Pèir Darrigrand
Luis Sepúlveda que prometó aus sons hilhs de’us escríver ua istòria suu mau que hèm, nosautes umans, au noste enviroament en nse’n mau ocupar, abismant la natura e tanben a nosautes medishs.
Atau qu’ei vaduda aquesta istòria qui conta las benalèjas de Zòrbas, un gat gran, negre e bèth, dab un hòrt sentiment d’aunor, qui’u mia un dia a s’engatjar a suenhar un piòc de calhòc.
La soa mair qu’èra un beròi calhòc gahat per ua andada de petròli vueitat a la mar per un batèu hastiau. Au moment de’s morir, que dèisha en responsabilitat a Zòrbas l’ueu que s’a ponut. Zòrbas qu’ei un gat de paraula e que va complir las promessas hèitas: que va coar l’ueu, que va suenhar lo piòc, mes tanben que’u va ensenhar a volar.
Los amics de Zòrbas, Secretario, Quiacsaptot, Capauvent, e Colonello, que’u van ajudar en ua òbra qui, qu’ac vederatz, n’ei pas autant aisida com çò qui sembla, mensh enqüèra tà ua bandalada de gats mei acostumats a’s pelejar en la dura vita de gats de pòrt com lo de Hamborg, qu’a estar los pairs d’un nenè de calhòc.
Per Noste
Per Noste
_____
SEPÚLVEDA, Luis. Istòria d'un calhòc e deu gat qui l'ensenhè a volar. Per Noste, 2012. 68 paginas. 7 èuros.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Per Noste comença d'aver de polidas traduccions. Ara legissi un excelent Steinbeck, "De las soritz e deus òmis". Per ieu que manèji pas plan l'anglés m'agradariá poder legir "Los arrasims de la malcia" se qualqu'un se bota a lo revirar en lenga nòstra.
E en cò de Letras d'òc, la subrebèla revirada del cap d'òbra d'André Brink "A chain of voices" ("Una cadena de voses") per Sèrgi Carles.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari