CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dijòus, 19 de setembre

Actualitats

Diluns, 3 d'octòbre de 2016, 03h00 Societat,Politica

Provença > Comtat de Niça > Costiera Niçarda

An mes en question las versions oficialas sus l’atemptat de Niça

L’emission de television Quotidien mòstra de contradiccions dins las versions de Cazeneuve e Estrosi


Comentaris 2 comentaris    
Marrit Flac Bon Plan bon Fabulós (3 vòtes)
carregant En cargar


L’emission de television Quotidien a mes en question las versions oficialas avançadas per las autoritats en tot i mostrar de contradiccions. Dijòus passat, lo jornalista Azzeddine Ahmed-Chaouch explicava sul platèu de la television francesa TMC qu’aviá pogut consultar lo procès verbal establit per la sosdireccion antiterrorista de la polícia judiciària e ne tirèt qualques divergéncias.
 
 
La durada de l’atac
 
“Passèt 45 segondas entre lo moment ont lo terrorista penetrèt dins la zòna interdicha e lo moment ont foguèt abatut”, çò declarèt lo director del gabinet del president de la region, Christian Estrosi. Mas segon los procèsses verbals e los imatges de videosusvelhança consultats per Quotidien ,“sembla que l’accion terrorista durèt 4 minutas e 17 segondas, siá 5 còps de mai que l’estimacion donada”.
 
 
“De falhas e una messorga”
 
Tocant lo dispositiu policièr d’aquel ser, lo ministre de l’Interior francés, Bernard Cazeneuve, diguèt que la polícia nacionala “èra presenta, e plan presenta”. “De veïculs de polícia rendián impossible lo trespassament del Camin dels Angleses”, çò declarava Cazeneuve dos jorns après l’atemptat.
 
Mas un extrach del procès-verbal de la sosdireccion antiterrorista de la polícia judiciària mòstra las “falhas” e la “messorga” que denonciava Libération. “Suls vidèos, los enquestaires nòtan pas qu’una veitura de polícia nacionala sul Camin dels Angleses”, çò ditz Ahmed-Chaouch.
 
 
Cossí s’arrestèt lo camion?
 
En fin, tanben i a de contradiccions sus la neutralizacion del terrorista. “Lo dispositiu de proteccion permetèt a la polícia nacionala d’interceptar lo camion e de metre un tèrme a sa corsa murtrièra”, çò disiá Cazeneuve. Mas segon Quotidien lo veïcul s’arrestèt a causa d’un “fach exterior”. Dins los procèsses verbals los jornalistas legiguèron: “A 22 oras, 35 minutas e 46 segondas, constatam que lo camion terrorista cala. Repartirà pas pus. 43 segondas pus tard, los policièrs se tròban darrièr lo camion. La fusilhada dura 1 minuta e 15 segondas”
 
Alavetz, e mai s’es verai que la polícia auriá tuat lo terrorista, ela auriá pas arrestat lo camion. Un extrach del procès verbal mòstra que lo camion foguèt pres en caça, mas que los policièrs foguèron alentits per la molonada e foguèron quitament “blocats” a 22h34 e 45 segondas, çò es tres minutas abans tuar lo terrorista.
 
 
 
 



publicitat
BANER1-2-3: DGPL AN LAFONT



Comentaris

4 d'octòbre 22.43h

Se per desgràcia guanhàs Sarkosy, encara seria pitjor.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

3 d'octòbre 11.20h

Crèsi que i a pas jamai agut un govern tant messorguier qu'aqueste dins totes los domenis e de contunh !


Valoriza aqueste comentari:   votar positiu 3   votar negatiu 5
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 27
  • sol Aush 28
  • sol Bordèu 26
  • sol Briançon 19
  • sol Caors 28
  • sol Carcassona 26
  • sol Clarmont-Ferrand 22
  • sol Confolent 20
  • sol Gap 20
  • sol La Canau 27
  • sol La Gàrdia 24
  • sol Limòtges 23
  • sol Lo Borg Sant Dalmatz 19
  • sol Lo Puèi de Velai 20
  • sol Marselha 25
  • sol Montpelhièr 26
  • sol Naut Aran 21
  • sol Niça 23
  • sol Nimes 27
  • sol Pau 26
  • sol Peireguers 27
  • sol Rodés 28
  • sol Tolon 25
  • sol Tolosa 26
  • sol Valença 22

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Laurenç Revèst

    Dau castèu de Grimaud

  • Era còlha dera ADÒC ath trabalh

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • Valadas. © Xavi Gutiérrez Riu

    Valadas

  • Coserans: Sent Líser, Casavèth, Sent Guironç, Saurat...

  • Los Pokémons de la 3a generacion revirats en occitan

  • © Laurenç Revèst

    Menton, 'a vivaroalpenca maritima

  • 20u corsa Aran per sa Lengua. © Guillem Sevilla

    20u corsa Aran per sa Lengua

  • Val d'Aran, cap de Gasconha

  • © Laurenç Revèst

    Menton, 'a vivaroalpenca maritima

  • © Aure Séguier

    Carnaval Biarnés 2017

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • Tardor dins lo País de Saut lengadocian. © Terric Lausa

    Tardor dins lo País de Saut lengadocian

  • Valadas. © Xavi Gutiérrez Riu

    Valadas

  • © Franc Bardòu

    Asuèlhs de Lauragués

  • © Laurenç Revèst

    Via de Buelh a Pèunas a Valberg fins a Sant Laugier

  • Occitan e economia: "occitanitat mai o mens visibla"

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Franc Bardòu

    Catalonha etèrna

  • Jean-Claude Lagu

    Fòtos dels legeires

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)