CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dissabte, 21 de setembre

Actualitats

Dimars, 11 d'octòbre de 2016, 03h00 Politica,Internacional

Carles Puigdemont a Madrid: “Aran es una nacion, una part de la nacion occitana, e a lo drech d’autodeterminacion”

Lo president de la Generalitat de Catalonha anèt a Madrid per explicar quina es la proposicion de referendum d’independéncia de 2017


Comentaris 12 comentaris    
Marrit Flac Bon Plan bon Fabulós (8 vòtes)
carregant En cargar


“Aran es una nacion, una part de la nacion occitana, amb sa lenga oficiala en Catalonha, qu’es l’occitan, e doncas amb identitat nacionala, e a lo drech [d’autodeterminacion]”, çò diguèt net e clar ièr a Madrid, lo president de la Generalitat de Catalonha, Carles Puigdemont, davant un fum de jornalistas e de representants politics e economics, e dètz ambaissadors, dont lo de França.
 
Puigdemont anèt a Madrid per explicar quina es la proposicion de referendum d’independéncia de 2017, qu’a lo sosten de la majoritat del Parlament catalan. Davant un auditòri tot plen que comptava amb la preséncia de dètz ambaissadors mas cap de membre del govèrn espanhòl, Puigdemont expliquèt que la situacion politica en Espanha s’èra considerablament deteriorada dins lo darrièr an, e planguèt que l’estat respondèsse amb de jutges e de procuraires a las demandas dels catalans que revendican una solucion politica.
 
 
 “Seriá prudent de mespresar pas lo referendum”
 
“Prepausam a l’estat espanhòl un acòrdi pel referendum”, çò diguèt Puigdemont en avertissent qu’en Catalonha “i a un consens social e politic, e seriá intelligent e prudent de lo mespresar pas”. Mas se lo govèrn espanhòl contunha sus sa posicion de ne voler parlar pas, lo referendum se farà de tot biais.
 
 
"Aran es una part de la nacion occitana"
 
Après sa conferéncia, Puigdemont respondèt a las questions dels jornalistas. Interrogat sus perqué Espanha pòt pas votar  tota, o perqué Barcelona pòt pas aver son referendum particular, lo president remembrèt que dins lo referendum del Brexit aviá pas pogut votar l’Union Europèa e que “Barcelona es pas una nacion”.
 

“Barcelona es pas una nacion. O es la Val d’Aran. E la Val d’Aran dins la lei qu’aprovèrem al Parlament de Catalonha arunan i reconeguèrem lo drech d’autodeterminacion. La Val d’Aran es una nacion, una part de la nacion occitana, amb sa lenga oficiala en Catalonha, qu’es l’occitan, e doncas amb identitat nacionala, e n’a lo drech”.
 
 
 
Dètz ambaissadors an escotat Puigdemont
 
Dins son discors, Puigdemont soslinhèt davant los representants diplomatics d’un desenat de païses, lo larg sosten social e politic del referendum, e tanben de l’independéncia en Catalonha.
 
E mai i participèsse pas cap de representant del govèrn espanhòl, l’eveniment comptava amb los representants de l’ambaissador de França, Yves Saint Geours; lo del Reialme Unit, Simon Manley; lo d’Egipte, Ahmed Ismail Abdelmoeti; lo d’Irlanda, David Cooney; lo d’Argeria, Taous Feroukhi; lo de Veneçuèla, Mario Isea Bohórquez; lo de Belgica, Pierre Labouverie; lo de Danemarc, John Nielsen; lo dels Païses Basses, Johannes Van Bonzel; lo de Suècia, Lars-Hjalmar Wide.
 
A respècte de la classa politica espanhòla, solament èra present lo pòrtavotz socialista a l’Assemblada de Madrid.
 
A miègjorn, Puigdemont s’amassèt per dinnar amb lo cap de Podèm, Pablo Iglesias.
 
Podètz escotar tota la conferéncia dins lo vidèo que seguís.
 





Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.



publicitat
BANER1-2-3: DGPL AN LAFONT



Comentaris

15 d'octòbre 10.26h

Ja ho ha dit, per si no ho sabien, oh ingorants, cada cop mes units als germans del Nord.
Aviat ho serem!
Visaca la Terra Lliure!
L'Ernest, "El Tàrrega".


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

14 d'octòbre 22.18h

Terric Lausa, Aran es pas una nacion, car es sonque un territòri de la nacion occitana. Barcelona es pas una nacion car fa part de la nacion catalana.


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

11 d'octòbre 17.58h

Devèm fa negòci e escambi : Val d'aran, un còp autordeterminada, deu exigir que si sián anexats totes los territòris occitans fins a Còni. En escambi, Catalonha autodeterminada deu exigir que li sián tornats totes los territòris catalans, fins a Guardamar.


Valoriza aqueste comentari:   votar positiu 11   votar negatiu 0
Respondre comentari replica Comentari inadeqüat   Formulari d'abús de comentari

11 d'octòbre 17.55h

#8 Ten territòris, la nacion occitana, dins l'estat francés, e tanben dins l'estat italian.


Valoriza aqueste comentari:   votar positiu 5   votar negatiu 1
Respondre comentari replica Comentari inadeqüat   Formulari d'abús de comentari

11 d'octòbre 17.14h

#2 Es referix a que la nació occitana "complerta" te territoris dins de l'estat francès.


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

11 d'octòbre 12.09h

Ben. Un lengatge precís e positiu.
Endavans!


Valoriza aqueste comentari:   votar positiu 21   votar negatiu 0
Respondre comentari replica Comentari inadeqüat   Formulari d'abús de comentari

11 d'octòbre 10.48h

#2 El President de la Generalitat de Catalunya diu (a Madrid i davant de deu ambaixadors): “La Val d’Aran es una nació, una part de la nació occitana". Jo entenc que la primera part de la frase és la justificació de perquè aquest territori té reconegut el dret d’autodeterminació en el context català. La segona, un zoom, la visió global d’una realitat que queda fora de la capacitat legislativa del parlament de Catalunya.
La sensació, des de la distància, és que potser en lloc... Legir mai


Valoriza aqueste comentari:   votar positiu 30   votar negatiu 0
Respondre comentari replica Comentari inadeqüat   Formulari d'abús de comentari

11 d'octòbre 10.38h

#4 Ditz "Barcelona non ei nacion. Aran ei nacion.... bon, ua part dera nacion occitana, ..." En tot cas, Puigdemont arremèrque qu'Aran ei ua auta nacion, prumèr ditz qu'ei ua nacion e dempús precise que hè partida dera nacion occitana


Valoriza aqueste comentari:   votar positiu 17   votar negatiu 0
Respondre comentari replica Comentari inadeqüat   Formulari d'abús de comentari

11 d'octòbre 10.06h

#3
Het! E encara non ac enteni. Dilhèu me pòs explicar?


Valoriza aqueste comentari:   votar positiu 1   votar negatiu 11
Respondre comentari replica Comentari inadeqüat   Formulari d'abús de comentari

11 d'octòbre 09.46h

#2 guarda eth vidèo e ac compreneràs


Valoriza aqueste comentari:   votar positiu 10   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 22
  • sol Aush 20
  • sol Bordèu 22
  • sol Briançon 14
  • sol Caors 21
  • sol Carcassona 19
  • sol Clarmont-Ferrand 21
  • sol Confolent 19
  • sol Gap 12
  • sol La Canau 22
  • sol La Gàrdia 20
  • sol Limòtges 22
  • sol Lo Borg Sant Dalmatz 17
  • sol Lo Puèi de Velai 18
  • sol Marselha 17
  • sol Montpelhièr 19
  • sol Naut Aran 18
  • sol Niça 18
  • sol Nimes 19
  • sol Pau 23
  • sol Peireguers 22
  • sol Rodés 21
  • sol Tolon 21
  • sol Tolosa 20
  • sol Valença 19

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • Rocavion (Val Ges). © Cristòu Daurore

    Rocavion (Val Ges)

  • Inauguracion de la Sala Claudi Molinièr a Besièrs

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Laurenç Revèst

    Cavairac, Vau Naja (Costièra de Nimes)

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • La Primada de Montsegur, 17 de març 2012

    Primada de Montsegur, 17 de de març 2012

  • La prima en valaa de Tiniá. © Laurenç Revèst

    La prima en Tiniá

  • © Conselh Generau d'Aran

    Lo Torn de França 2016 en Aran

  • © Franc Bardòu

    Coserans al còr

  • © Laurenç Revèst

    Besièrs, preséncia d'occitan en ciutat e CIRDOC

  • Afichatge per 'a comuna de Mónego dau messatge

    Concors de Nadal 2014. Las Calendas en çò vòstre

  • Asuèlhs de Menerbés. © Franc Bardòu

    Asuèlhs de Menerbés

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Zep Armentano

    XI prèmis Gaudí de l'Acadèmia Catalana del Cinèma

  • Bordèu, bèla occitana de Gasconha. © Franc Bardòu

    Bordèu, bèla occitana de Gasconha

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Laurenç Revèst

    Fòrt Maginòt de Sant Anhe

  • Exposicion temporària sus Robèrt Lafont al CIRDOC (D.R.)

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)