Actualitats
Polonha: una pista ciclabla illuminada amb d’energia solara
N’i aviá ja un en Olanda que fonciona amb de lums LED, mas lo projècte polonés fa servir d’energia renovelabla
En ivèrn, la nuèch es mai longa que lo jorn, e encara mai en Polonha qu’en Occitània. Saique per aquela rason, la vila polonesa de Lidzbark Warmiński ven d’inaugurar una pista ciclabla que produtz de lum quand arriba la nuèch e que curiosament fonciona amb d’energia solara.
La pista es estada creada e construcha per la societat TPA Instytut Badań Technicznych Sp. z o.o. amb un material sintetic que pòt far de lum pendent dètz oras.
S’agís pas de la primièra estrada per bicicletas illuminada. Los poloneses an aprofechat l’experiéncia d’una que i a als Païses Basses, que fonciona amb lums LED e que s’es inspirada del tablèu de Van Gogh Nuèch estelada. Ça que la, lo modèl polonés es melhor car emplega d’energias renovelabas.
A l’ora d’ara, lo projècte es en fasa de tèst. Quand l’eficacitat serà verificada, es previst de l’installar dins d’autras vilas del país.
La pista es estada creada e construcha per la societat TPA Instytut Badań Technicznych Sp. z o.o. amb un material sintetic que pòt far de lum pendent dètz oras.
S’agís pas de la primièra estrada per bicicletas illuminada. Los poloneses an aprofechat l’experiéncia d’una que i a als Païses Basses, que fonciona amb lums LED e que s’es inspirada del tablèu de Van Gogh Nuèch estelada. Ça que la, lo modèl polonés es melhor car emplega d’energias renovelabas.
A l’ora d’ara, lo projècte es en fasa de tèst. Quand l’eficacitat serà verificada, es previst de l’installar dins d’autras vilas del país.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari