Actualitats
Espanha: l’abstencion dels socialistas farà president Mariano Rajoy
Lo comitat federal del PSÒE aprovèt dissabte de s’abstenir dins lo debat d’investidura dins l’encastre de fòrtas protèstas e d’una situacion de crisi
Comença dins l’estat espanhòl lo procès de formacion d’un nòu govèrn, après un periòde longàs de govèrn interimari dins l’incapacitat de trobar d’acòrdis malgrat aver tornar fach en junh l’eleccion de decembre passat. La decision del Partit Socialista (PSÒE) portarà lo cap del Partit Popular (PP), Mariano Rajoy, devèrs son segond mandat coma president del govèrn espanhòl.
Uèi, lo rei Felip VI comença sas entrevistas amb los pòrtavoses dels partits, un procès protocolari que se tendrà durant dos jorns. Puèi aurà luòc lo debat d’investidura al Congrès dels Deputats, que se poiriá debanar dissabte 29 o dimenge 30 d’octòbre.
Dins l’investidura, Rajoy serà pas elegit dins un primièr vòte, que li cal la majoritat absoluda, mas dins lo segond, qu’una majoritat simpla sufís. L’abstencion anonciada pel PSÒE permetrà d’investir Rajoy.
L’abstencion del PSÒE
Lo comitat federal del PSÒE aprovèt dissabte que se deu abstenir dins aquel tresen debat d’investidura per desblocar l’excepcionala situacion institucionala que se viu dins l’estat espanhòl. Pasmens, qualques deputats, dont los catalans, anoncièron lor refús d’aquela decision e mantendràn lor vòte negatiu per Rajoy.
Aquela decision se prenguèt dins l’encastre de las protèstas de fòrça militants, e d’una crisi sens precedents, que faguèt demissionar lo cap del partit, Pedro Sánchez, partisan de manténer la promessa electorala, que farián pas president Mariano Rajoy de cap de biais.
Dins aquel sens, lo pòrtavotz dels socialistas catalans, Miquel Iceta, avertissiá que l’abstencion del PSÒE farà que “fòrça catalans vengan finalament convencuts que lo federalisme es pas viable e que se resignena l’idèa que l’independéncia [de Catalonha e Aran] es un fach inevitable”.
De son costat, Pedro Sánchez diguèt sus Twitter que “lèu vendrà lo temps que los militants recuperaràn e tornaràn bastir lor PSÒE. Un PSÒE autonòm, alonhat del PP, ont decidirà la basa”.
Uèi, lo rei Felip VI comença sas entrevistas amb los pòrtavoses dels partits, un procès protocolari que se tendrà durant dos jorns. Puèi aurà luòc lo debat d’investidura al Congrès dels Deputats, que se poiriá debanar dissabte 29 o dimenge 30 d’octòbre.
Dins l’investidura, Rajoy serà pas elegit dins un primièr vòte, que li cal la majoritat absoluda, mas dins lo segond, qu’una majoritat simpla sufís. L’abstencion anonciada pel PSÒE permetrà d’investir Rajoy.
L’abstencion del PSÒE
Lo comitat federal del PSÒE aprovèt dissabte que se deu abstenir dins aquel tresen debat d’investidura per desblocar l’excepcionala situacion institucionala que se viu dins l’estat espanhòl. Pasmens, qualques deputats, dont los catalans, anoncièron lor refús d’aquela decision e mantendràn lor vòte negatiu per Rajoy.
Aquela decision se prenguèt dins l’encastre de las protèstas de fòrça militants, e d’una crisi sens precedents, que faguèt demissionar lo cap del partit, Pedro Sánchez, partisan de manténer la promessa electorala, que farián pas president Mariano Rajoy de cap de biais.
Dins aquel sens, lo pòrtavotz dels socialistas catalans, Miquel Iceta, avertissiá que l’abstencion del PSÒE farà que “fòrça catalans vengan finalament convencuts que lo federalisme es pas viable e que se resignena l’idèa que l’independéncia [de Catalonha e Aran] es un fach inevitable”.
De son costat, Pedro Sánchez diguèt sus Twitter que “lèu vendrà lo temps que los militants recuperaràn e tornaràn bastir lor PSÒE. Un PSÒE autonòm, alonhat del PP, ont decidirà la basa”.
Pronto llegará el momento en que la militancia recupere y reconstruya su PSOE. Un PSOE autónomo, alejado del PP, donde la base decida.Fuerza
— Pedro Sánchez (@sanchezcastejon) 23 d’octubre de 2016
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La Gusana Diaz e lo Felipe Galsalez, han aprofitat l'avinentesa de que lo partit deu 100 milions d'euros als bancs privats, per pressionar a los de las federacions andalusa, extremenha, asturiana, galega ,aragonesa,... Cresen que los bancs los donaran diners per poder mantenir sos col·locats e poder viure de Catalunya, Balerars, País Basc,....E encara la Gusana diu que Catalunya rauba a Andalusia.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari